Иттер менің достарым

Иттер менің достарым
Мақсаты.
Білімділік: Балаларды заттардың түстерімен пішінін ажырата білуге үйрету.
Үлкен және кішкентай сөздерінің мағынасын түсіндіре отырып, Пішіндерді мұқият орналастыру дағдыларын бекіте отырып, білімдерін жетілдіру.
Дамытушылық: Балалардың тілін, ойын дамыту, қол, саусақ маторикасын дамыту.
Тәрбиелігі: Балаларды сүйіспеншілікке үй жануарларына қамқор болуға тәрбиелеу.
Әдіс - тәсілдері: көрсету, түсіндіру, қызықты сәт, қимылды ойын.
Көрнекіліктер. Үлкен, кіші, үйшіктер, сүйек, ит пен күшіктің суреті.
Сөздік жұмыс: Сүйек.
Билингвальды компонент: Ит - собака.

1. Ұйымдастыру:
Балалар бүгін бізде ерекше күн. Бүгін бізге қонаққа көп апайлар келіп отыр.
Қане бәріміз шеңбер құрып, апайлармен амандасайық.
Шаттық шеңбері:
Арайлап таң атты
Алтын сәуле таратты,
Жарқырайды еліміз,
Жарқырайды жеріміз,
Қайырлы таң балалар,
Қайырлы таң қонақтар,
Сәлеметсіздер ме.

- Бәрекелді балалар өте әдемі тілек айттыңдар. рақмет.
(Балалар орындарына отырады)
Тәрбиеші: Балалар, қазір жылдың қай мезгілі,?
Балалар. Күз мезгілі:
Тәрбиеші: Күз мезгілінде күн қандай болады?
Балалар.- күн салқын болады.
Тәрбиеші: Не жауады?
Балалар:- Жаңбыр жауады.
Ағаштың жапырақтары сарғайып, жерге түседі, құстар жылы жаққа ұшып кетеді. Жемістер, көкөністер піседі.
Ит: (Әуп, әуп, әуп) деп үрген дыбыс естіледі.
Ит жылап келеді.
Тәрбиеші: Сәлеметсіз бе! Ит. Неге жылап келе жатырсың? Кім тиді саған?
Қане жыламай бізге түсіндіріп, айтып берші.

Ит: Саламатсыздар ма! Балалар! Сендер қандай әдемісіңдер? Маған ешкім тиген жоқ. Мен тоңып қалдым, күн болса салқын, менің тұратын үйім жоқ, Қарным ашты.(тағы жылайды)
Тәрбиеші: жылама Ит, біздің балалар қазір саған көмектеседі.
Балалар Ит тоңып қалыпты, тұратын үйшігі жоқ екен, күн болса салқын,
Қарны ашыпты, балалар біз итке көмектесеміз бе?
Балалар, - Иә көмектесеміз.
Ит: Рахмет балалар! олай болса мен сендердің үйшікті қалай жасайтындарыңды қарап отырайын.
Тәрбиеші: Балалар біз қазір итке үйшік жасап берейік. Балалар бізге үлкен
Ит қонаққа келді, Ал иттің баласын күшік дейміз, Қане балалар айтайықшы
Ит, (Балалардан жеке сұралады) Балалар мен енді итке үйшік жасап беремін
Міне, мынау не балалар?
Балалар; Ит - деп жауап береді.
Қандай Ит?
Балалар: Үлкен Ит.
Тәрбиеші: Міне ендеше қазір үлкен итке үлкен үй жасап беремін.
Балалар мынау төртбұрыш, қане бәріміз айтайықшы, төртбұрыш.
Төртбұрыштың түсі қандай?
Балалар.- Сары.
Тәрбиеші: Өте жақсы сары. Қане бәріміз айтайықшы?(Балалардан жеке сұралады)
Балалар төртбұрыш үйшіктің қабырғасы.
Тәрбиеші. Ал мынау қандай пішін?
Үшбұрыш.
Өте жақсы, түсі қандай?
Балалар. Жасыл.
(қане бәріміз айтайықшы жасыл)
Тәрбиеші. үшбұрыш үйшіктің төбесі.
Балалар: мынау қандай пішін?
Дөңгелек.
Түсі қандай?
Балалар.- Қызыл.
Тәрбиеші: Дөңгелек үйшіктің есігі.
Өте жақсы балалар итке үйшік жасадым, ал сендер алдарыңдағы кішкентай
Күшікке үйшік жасап беріңдерші қане.
Тәрбиеші: Балалар біз Ит пен күшікке үйшік жасадық.
Енді иттен сұрайықшы біздің жасаған үйшігіміз ұнайма екен?
Ит: Балалардың жұмысын көреді.
Қандай тамаша үйшік, менің кішкентай күшігімеде үйшік жасап бердіңдер, мен сендерге ризамын, қане балалар бәріміз сергіту жаттығуын жасайық, менімен бірге ән айтып, билегілерің келема?
Тәрбиеші: қане балалар бәріміз Ит пен бірге билейік, сергіту жаттығуын жасайық, қолдарымыз шаршап қалған болар.
Сергіту жаттығуы жасалады.
«Бала - бала балақан»- әні.
Ит: Рахмет балалар менің көңілімді көтеріп тастадыңдар, енді менің қарным ашты.
Тәрбиеші: Балалар ит пен кішкентай күшікке тамақ берейік, қарындары ашыпты. Балалар ит сүйекті жақсы көреді, қане бәріміз айтайықшы «Сүйек»
(Балаларға жек - жеке айтқызады)
Балалар ыдыстардағы сүйектерді иттерге береміз, үлкен ыдыстағы сүйекті үлкен итке береміз, кішкентай ыдыстағы сүйекті күшікке береміз.
Қане берейікші.( Алдарына апарып қоямыз)
Тәрбиеші. Балалар біз Итке кішкентай күшікке үйшік жасап бердік, тамақ бердік, енді итке арнап тақпақ, ән айтып берейік.
1. Исхам.
Күшігім менің күшігім,
Үй күзетер пысығым,
Үргені де шамалы,
Тамақ берсең болғаны.
2. ислам.
Күшігім менің саққұлақ,
Келеді әне шапқылап,
Сақтығыңды көрейін,
Қойшы атайға берейін.
3. Шахназ.
Ойыншығым күшігім,
Сүп – сүйкімді, жұп - жұмсақ,
Шіренгені болмаса,
Отырғандай ұл жұмсап.

Ит: Алақай, Алақай, балалар мен туралы тақпақ біледі екен, Рахмет, рахмет.
Тәрбиеші. Біздің балала әнде біледі.
Ән. «Күшігім.»
Тәрбиеші: Балалар сендер ойын ойнағыларың келе ме?
Балалар: Иа.
Тәрбиеші: Балалар бізбен бірге итте ойнасын.
«Қимылды Ойын:»»Үйшігіңді тап»
Ит. Тамаша, Тамаша, Балалар рахмет сендерге. Сендер маған көмектестіңдер, енді менің кетуім керек, Мені кішкентай күшіктерім сағынып қалған болар, менің бүгін көңілім көтеріліп қалды, бүгін балалар маған, менің күшіктеріме үйшік жасап бердіңдер, мен туралы тақпақ, әнде біледі екенсіңдер. Енді сендердің жасап берген үйшіктеріңе барып демалайын, мен тоңбайтын болдым. Сау болыңдар балалар.!
Тәрбиеші: Балалар қане итке сау болыңыздар айтайық. Ит сендерге риза болды.

Қорытынды:
Тәрбиеші;- Балалар бізге қонаққа не келді?
Балалар.- Ит келді.
Тәрбиеші: Ит қандай?
Балалар:- Үлкен.
Тәрбиеші: Біз итке не жасап бердік?
Балалар.- Үйшік.
Үйшіктің қабырғасының пішіні қандай?
Балалар.- Төртбұрыш.
Тәрбиеші: Түсі қандай?
Балалар: Сары.
Тәрбиеші:- Төбесінің пішіні қандай?
Балалар:- Жасыл.
Тәрбиеші: Есігінің пішіні қандай?
Балалар.- Дөңгелек.
Тәрбиеші:- Түсі қандай?
Балалар:- Қызыл:
Тәрбиеші.- Итке қандай үйшік жасап бердің?
Балалар. Үлкен үй жасадық.
Тәрбиеші: Күшікке қандай үй жасадық?
Балалар, - кішкентай үй жасадық.
Тәрбиеші:- Ит қандай тамақ жақсы көреді?
Балалар.- Сүйек.
Үлкен итке қандай сүйек бердік?
Үлкен сүйек.
Күшікке қандай сүйек бердік?
Кішкентай сүйек.
Тәрбиеші. Өте жақсы балалар бүгінгі оқу іс - әрекетіне өте жақсы қатыстыңдар.
Барлығыңызға көп - көп рахмет!

Атырау қаласы,
КМҚК №25 «Еркемай» балабақшасы
Екінші кіші топ тәрбиешісі Бекбаулиева Гулжамал Умирхановна