Африкаға саяхат

Африкаға саяхат
Мақсаты: балаларды сонау алыстағы Африка құрлығымен таныстыру. Өзге елдің салт - дәстүрлері туралы түсінік беру. Африкадағы Джунгли мен Сахара, Саваннаның тыныс тіршілігімен таныстыру. Өзге елдің өнерімен мәдениетін сыйлауға тәрбиелеу.

Іс шара барысы:
Зал іші мерекеге сай безендірілген. Балалар «Чунга - чанга» биіне билейді. Сол кезде қонаққа Аффа есімді қара нәсілді адам келеді.
Аффа: - Сәлеметсіңдер ме, балалар! Менің атым Аффа. Сендер менің қайдан келгенімді білесіңдер ме?
- Африка өте керемет, қызыққа толы таңғажайып жер. Сендердің менің туған жеріме, Африкаға саяхатқа барғыларың келе ме?
- Олай болса АФрика туралы ол жерде өздеріңді қалай ұстау керектігін үйреніп алайық.

Слайд №1
Ендеше пойызға отырып жолға шығайық. Жол қысқарту үшін ән айтайық.
Ән; «Если долго, долго»
Аффа: Туууууууу, міне біз келіп те қалдық. Қаласаңдар мен сендерді өзімнің отбасыммен таныстырамын. Бізде Африкада өте көптеген тайпалар өмір сүреді. Бұлардың бәрі менің бауырларым, достарым! Біз қара нәсілді халыққа жатамыз.

- Бауырларым қонақтарды қарсы алыңдар!
«Салт дәстүрлер» биі
- Балалар сендерге ұнады ма?
Біз осылай көңілді өмір сүреміз.
- Сендер білесіңдер ме, бізде Африкада ешқашан қар жаумайды. Не үшін деп ойлайсыңдар?
- Ия балалар өйткені бізде әрқашан күн ыстық болып тұрады.
- Балалар сендер бәрін естеріңе сақтаңдар.
- Балалар сендер айтыңдаршы Африкадағы адамдар мен Қазақстандағы адамдардың қандай айырмашылықтары бар?
(тері түстері, тұрған жерлері, үйлері, тілі, діні, салт - дәстүрлері т. б)
- Сендер қандай ақылдысыңдар, жарайсыңдар!

Балалар олай болса саяхатымызды әрі қарай жалғастырайық.

Ән: «Если долго, долго»
Аффа: Туууу, келдік. Сендер мына жерді танисыңдар ма?
Біз джунглиге келіп жеттік. Сендер джунгли не екенін білесіңдерме?
Бұл орман. Бұл орманда өте көптеген өсімдіктер мен ағаштар өседі, олар бір біріне жабысып өседі, өте тығыз орналасқандықтан ол жерге күн сәулесі жақсы түспейді, ол жерде жарық аз.

Сол кезде джунгли патшасы Маугли мен достары шыға келеді.
Маугли: - Сендер кімсіңдер?
- Біз №25 «Қарақат» балабақшасының тәрбиеленушілеріміз. Біз мұнда қонаққа келдік, саяхаттап жүрміз. Біз сені көргенімізге өте қуаныштымыз, біз сен туралы өте көп естігенбіз, сен туралы киноларды мультхикаяларды өте жақсы көреміз, Маугли!
- Мен сондай қуаныштымын. Олай болса келіңдер, мен сендерге джунглиде ойналатын бір ойын үйретейін.
Ойын: «Маугли және оның достары»
Аффа:
- Маугли сендерге көп рахмет, көңіліміз көтеріліп қалды. Алайда біз саяхатымызды әрі қарай жалғастыруымыз керек. Сау болыңдар!
Маугли:
- Сау болыңдар, балалар! Келіп тұрыңдар, жолдарың болсын!
Ән: «Если долго, долго»
Аффа: Тууууууууууу біз келдік.
- Балалар айналаға қараңдаршы біз қайда келдік?
(шөлге)
- Шөлде ең көп нәрсе не деп ойлайсыңдар?(құм)
- Шөлге ең төзімді жануар қай жануар? (түйе)
- Шөлде өсімдіктер өсе ме? (Ия, алоэ, кактус т. б)
Би: «Құмыралар» биі

Ән: «Если долго, долго»
Аффа: Тууууууууууу біз келдік..
Балалар бұл жерді саванна деп атайды. Саваннада көптеген жыртқыш аңдар өмір сүреді. Саваннада күндіз күн қатты ыстық болса, кешке жақын күн қатты суыйды.
- Балалар қараңдаршы мұнда жыртқыш аңдар келе жатыр. Оларға тиісудің, көңіл күйлерін кетірудің қажеті жоқ. Тек оларды алыстан бақылап, суретке түсіріп алайық.

Би: «Саванна жануарлары»

- Балалар кеш болайын деп қалды, осымен бүгінгі саяхатымызды аяқтайық. Африканың басқа да кереметтерін келесі жолы тамашалайтын боламыз. Енді өз еліміз Қазақстанға қайтайық.
- Аффа саған көп - көп рахмет, бүгінгі саяхат бәрімізге өте ұнады. Сау бол Аффа.

Балалар пойызға отырып топқа оралады. Өз әсерлерімен бөліседі.

Шымкент қаласы,
№25 "Қарақат" бөбекжай - балабақшасының
ІІ санатты тәрбиешісі Шолатова Айжан Нуралиевна