Құрақ көрпе

Білім беру саласы: «Шығармашылық»
Ұйымдастырылған оқу қызметі: Аппликация
Тақырыбы: Құрақ көрпе
Мақсаты: Геометриялық пішіндерден өрнектер жапсыруды үйрету, ұқыптылыққа тәрбиелеу.
Көрнекі - құрал: үлгі, құрақтардың суреті, желім, қайшы, геометриялық пішіндер.
- Балалар, жылулық шеңберіне тұрайық!
Біздер тату баламыз,
Өсіп алға барамыз.
Үшбұрышпен танысып,
Біз білімді боламыз.
(Балалар жылулық шеңберіне тұрып, өлең жолдарын бірге қайталайды)
Жаңа тақырыпқа кіріспе:
(жұмбақ)
Үш нүкте үш сызықтан тұрады,
Одан бәрін үй шатырын құрады.
(Үшбұрыш)
(Балалар жұмбақтың шешуін табады)

- Балалар, бізге қонаққа Арайлым атты қуыршақ қонаққа келді.
Әжесі Арайлымға құрақ көрпе тігіп беріпті. Бірақ оның бетіндегі пішіндері түсіп қалыпты. Енді оған сендердің көмектерің керек. Сендер көмектесесіңдер ме? (Балалар көмектесуге келіседі)

Жаңа тақырып:
Үлгі суретпен жұмыс. Жапсыру жолымен жасалған құрақ көрпенің үлгі суретін көрсетіп, сипаттайды. (Балалар құрақ көрпенің үлгі суретін тамашалайды)
Алдын - ала қағазға сызылып қойылған геометриялық пішіндерді қиып, құрақ көрпеге әдемілеп жапсыруды ұсынады. Қайшымен жұмыс істеудегі қауіпсіздік ережесін естеріне түсіріп өтеді.
(балалар геометриялық пішіндерді қиып, құрақтарға жапсырады)

Сергіту сәті:
Бойды сергек тік ұста,
Емін - еркін тыныста.
Деміңді ішке тез ал да,
Оң қолыңды соз алға!
Қол ұшына қара да,
Үшбұрыш сыз ауада.
(Балалар өлең мазмұнына сәйкес ауада үшбұрышты салады)
«Заттар қандай пішіндерге ұқсайды?» ойыны: суреттегі заттармен танысып, олардың атауын атап беруді сұрау. (Балалар суретке қарап заттарды атайды; үй, қайық, шырша)

Қорыту:
Сұрақтар қоя отырып, сабақты қорытындылайды.
- Балалар, бүгін нені жапсырдық?
- Кімге көмектестік?
(балалар сұрақтарға жауап береді)

Күтілетін нәтиже:
Нені білу керек: геометриялық пішіндерді
Нені игереді: құрақ көрпеге пішіндерді жапсыруды
Нені біледі: пішіндерді өздері қиюды, қағаз бетіне орналастыруды.

Атырау қаласы,
№5 «Аққу» бөбекжай - балабақша тәрбиешісі
Амантаева Жазира Саматқызы
Құрақ көрпе. жүктеу