Мағжан Жұмабаев «Мен жастарға сенемін»

Үздік ұстаз бәйгесіне
Мағжан Жұмабаев «Мен жастарға сенемін»
7 сынып
Оқу мақсаты: Ж3 көркемдегіш құралдары қолданып, жазу материалдағы оқиға мазмұнын салыстырады, қазіргі өмірмен байланыстырып, мәтін жазады
Сабақ мақсаттары: Барлық оқушылар орындай алады: Мағжан Жұмабаевтың «Мен жастарға сенемін» атты өлеңін тыңдайды, оқиды, мазмұнын түсінеді; көркемдегіш құралдарды табады

Оқушылардың көпшілігі: өлең мәтініндегі негізгі сөзді табады, оны топтастырады, өлең мәтіні бойынша сұрақтарға жауап бере алады, көркемдегіш құралдарды табады, сөйлем жазады

Кейбір оқушылар орындай алады: өлеңнің негізгі мазмұнын түсінеді, жаңа сөздерді және көркемдегіш құралдарды қолданып, қазіргі өмірмен байланыстырады, өз ойларын мәтін түрінде жазады.
Тілдік мақсат Оқушылар орындай алады: Мағжан Жұмабаевтың «Мен жастарға сенемін» өлеңін мәнерлеп оқуды, мазмұнын түсінуді, көркемдегіш құралдарды қолданып, өз ойларын мәтін түрінде жазуды меңгереді.

Мәтін жазуға арналған қажетті сөз тіркестері: айбатты, қайратты, күшті, білімді, болашақ
Талқылауға арналған сұрақтар:
• Ақын неліктен жастарға сенеді?
• Қазіргі заманғы жастар қандай?
• Мағжан жырлаған жастар мен қазіргі жастарды салыстырып бере аласың ба?
Пәнаралық байланыстар: қазақ әдебиеті, өзін - өзі тану

Алдыңғы оқу
Қызығушылықты ояту (5 мин)
Экранда көрсетілген портреттер арқылы өткен сабақта өмірі және
шығармашылығымен алдыңғы сабақта танысқан бейнені тап.
Шәкәрім Құдайбердіұлы, Ахмет Байтұрсынұлы,
Міржақып Дулатұлы, Жүсіпбек Аймауытұлы, Мағжан Жұмабаевтың портреттері берілген.

Оқушыларды топқа бөлу
Мағжан Жұмабаевтың өмірі мен шығармашылығы туралы білгендерін «Дара диаграмма» графикалық органайзері арқылы көрсетеді.
Сабақ тақырыбы анықталады, мақсаты хабарланады.
Бағалау дескрипторлары тақтада көрсетіледі.

Сабақтың басы (10 мин)
Мағынаны тану
Бүгінгі сабақ не туралы болуы мүмкін?
Алфавиттік рет бойынша буындарды жинау
арқылы бүгінгі оқитын өлеңнің тақырыбымен
танысу
ТАР - Б, МІН - Д, МЕН - А, ҒА - В, ЖАС - Ә,
НЕ - Ғ, СЕ - Г
«МЕН ЖАСТАРҒА СЕНЕМІН» өлеңі

1 - тапсырма Өлең мәтінімен жұмыс
«Мен жастарға сенемін»
Өлең мәтінін аудио құралдан тыңдау, экраннан көру, көре, тыңдай отырып, «Түртіп алу стратегиясын» қолдану арқылы өлең мәтіндегі жаңа сөздерді, сөз тіркестерін, көркемдегіш сөздерді жазып отыру
арыстандай айбатты
жолбарыстай қайратты
Алаш қырандай күшті

2 - тапсырма
Өлеңді тыңдағаннан кейін, 1 - топ көркемдегіш құралдарды пайдаланып, «Жастар» сөзіне ассоциациялық карта толтырады, 2 - топ
«Хикая картасын» толтырады, үшінші топ «Мағжан жырлаған жастар», «Қазіргі заманғы жастар» туралы «Венн диаграмасын» жазады.
«Венн диаграмасы» стратегиясын қолдану.
Мағжан жырлаған жастар
Қазіргі заманғы жастар

3 - тапсырма
«ПИРАМИДА» әдісі арқылы өлең мәтіні бойынша ең таңдаулы, үздік сұрақты анықтайық.
І - ІІ топқа тапсырма беріледі.
Жауап үлгілері:
Мағжан Жұмабаев шығармаларының тақырыптары әр түрлі. Оның «Мен жастарға сенемін» өлеңі жастарға арналған. Ақын жастарды арыстанға, жолбарысқа, жас қыранға теңеген. Қазіргі заманғы жастар білімді, ойшыл, техникаға жақын, көп тілді меңгерген, шетелдерде де білім алады. Біз жастарға сенеміз.
Жастар - мемлекет болашағы.

ІІІ топ «Сендірерлік дәлел» арқылы
мәтін құру
Менің ойымша…/Отан, ел, аға буын жастарға сенеді/
Мынаны естен шығармау қажет… /Жастар - Мемлекеттің болашағы/
/Жас болғанына қарамастан …/олар білімді, жан - жақты дамыған /
Жан - жақты болса да олар өмірде қиындықтарға да кездеседі.
Яғни …/жастар қиындыққа төзімді болулары керек /
Мен жастарға сенуге болады …деген тұжырымға келемін.
ВИДЕО көру

«Баяндамашының кері байланысы» /барлық оқушылар орындайды/
І топ - 1 шумақ
ІІ топ - 2 шумақ
ІІІ топ - 3 шумақ

«Екі түрлі түсініктеме күнделігі» стратегиясы арқылы кері байланыс жасау
Үйге тапсырма: «Қазіргі заманғы жастар қандай болуы керек?» тақырыбында ойларыңызды жазыңыздар.

Шығыс Қазақстан облысы, Бородулиха ауданы,
Коростели ауылы, «Коростели орта мектебі» КММ
қазақ тілі мен әдебиеті пәні мұғалімі
Сулейменова Светлана Биймурзиновна

Толық нұсқасын жүктеу