Қайырымдылық қарапайым - іс

“Қайырымдылық қарапайым - іс”
Қазіргі уақытта қоғамда әлеуметтік осал топтардың мәселелері ерекше өзектілігін арттыруда. Әсіресе, қарттар, мүгедектер, аз қамтылған отбасылар мен кәмелетке толмаған балалардың өмір сүру жағдайлары күн сайын өзгеріп, күрделеніп келеді. Бұл жағдайлар еліміздің әлеуметтік саясатында жаңа шешімдер мен әдіс - тәсілдердің қолданылуын талап етеді. Қоғамдағы осындай күрделі мәселелерге уақытында жауап бермейінше, біз әлеуметтік теңсіздік пен әлеуметтік осал топтардың жағдайын жақсарта алмаймыз. Осындай бағыттағы жобаларға үлкен мән берілуі тиіс, себебі олар елдегі әлеуметтік саясатты жүзеге асыруда маңызды рөл атқарады.

Бүгінгі таңда біздің қоғамымыздың дамуы әлеуметтік көмекке мұқтаж адамдарға көмек көрсетуді, олардың құқығын қорғауды және жалпы әл - ауқатын жақсартуды талап етеді. Бұл айтылғандардан бөлек қазір тіпті еліміздің дамыған елдер қатарына қосылуы үшін әлеуметтік саясатты жаңарту, халықтың әртүрлі топтарының қажеттіліктерін ескеру, оларды қолдау мақсатында тиісті бағдарламаларды жүзеге асыру осы нәрселердің барлығы дерлік өте маңызды емес пе?. Ал ол үшін әрине халықтың әлеуметтік осал топтарымен жұмыс жасай отыра, олардың өмір сүру жағдайын жақсарту үшін жан - жақты және кешенді шаралар ұйымдастыру керек. Осы орайда жобамның өзегін одан әрі ашу үшін мынадай практикалық жұмыстарды жүзеге асырдым.
Ең алдымен олардың әрқайсысын топтастырып алдым:
1 топты:
Әлеуметтік осал топтар ретінде қарттар, мүгедектер, көп балалы отбасылар және аз қамтылған жандардың жағдайын елеп - ескере отырып, олардың тұрмыс деңгейін жақсарту мақсатында алдым, оған қатысты:
Әлеуметтік осал топтардың қажеттіліктерін анықтау үшін арнайы сауалнама мен сұхбат жүргізілді
Одан соң өзімнің сыныбыммен және мектебіміздегі еріктілер тобымен бірге жалғызбасты атаның үйіне барып көмек көрсеттік. Біз атаға тек қана материалдық тұрғыдан көмек көрсетіп қана қоймай, ұйымдағы қыздармен үйін тазалап, ал ұлдарымыз ауласын тазалап көмек қолын создық.
Бұдан бөлек мектеп қабырғасында “Қайырымдылық кино кештері” мен түрлі жәрмеңкелер ұйымдастырдық. Бұл шаралардан жиналған қаражаттың бір бөлігін қаламыздағы балалар үйіне тапсырсақ,, қалған бөлігін мұқтаж жанға берген болатынбыз.
2 топты:
Кәмелетке толмағандардың мінез - құлқын алдын алу мақсатында және олардың құқық бұзушылықтарын алдын алу деп қарастырдым.
Бұл жерде балалар мен жастарға бағытталған шаралар жүргізілді. Атап айтсам:
Мектебімізде әр тоқсан соңында мектеп психологымен біріге отырып осы тақырыпта психологиялық тренингтер мен семинарлар ұйымдастырып, онда осы тақырып бойынша Куизис өткіздік.
Одан бөлек ай сайын мектебімізде осы тақырып бойынша оқушылар арасында түрлі жобалар жасалынды.
Біздің ең басты мақсатымыз: балалардың мінез - құлқына әсер ету және оларды қоғамда дұрыс бағытта тәрбиелеу болды
3 топ:
Қоғамды (оқушыларды) табиғи апаттарға дайындау және жазатайым оқиғалардың алдын алу
Ол үшін келесі жұмыстар жүргізілді:
Ең бірінші психолог пен АӘД мұғалімінің қатысуымен бірге Апаттар бойынша оқу - жаттығулар өткіздік. Оқу барысында оқушылар апат кезінде қалай әрекет ету керектігін үйреніп, өзін өзі қалай ұстауы туралы білді.
Бұл жұмыстардың мақсаты — апаттар кезінде қауіпсіздікті қамтамасыз ету болды.
4 топ:
Әлеуметтік жауапкершілікті арттыру және қоғамның белсенділігін күшейту
Еріктілер қозғалысын дамыту яғни Жастарды еріктілер қозғалысына тарту үшін волонтерлік ұйым Жылу ұйымы құрылды. Онда қазіргі таңда 27 ерікті оқушылар бар. Олар түрлі қоғамдық шараларда белсенділік танытты.
Сонымен қатар, оқушыларды әлеуметтік жобаларға қатысуға шақыру шараларын ұйымдастырдық:
бірнеше қайырымдылық іс - шаралары, көмек көрсету акциялары, Жылулық сыйла апталығы ұйымдастырылды.
1) Ал енді Бұл практикалық жұмыстарды жасаудағы негізгі мақсатым — әлеуметтік жобаларды тиімді іске асырып, мектеп оқушыларының, жастардың әл - ауқатын жақсарту және қоғамның тұрақты дамуына үлес қосу болды. Осы тұста айта кететін жайт аталған практикалық жұмыстарымның нәтижесінде 1) Қызылтөбе 2 ауылының, «С» тұрғынның жалдамалы үйі бойынша, жергілікті әкім және демеушіге ұсынысы негізінде Қызылтөбе ауылдық округінде тұрақты үй берілді.
2) Қоғамдық шаралардың саны 30 %- артты;
3) Сонымен қатар мен жақында болған ө. ө. б сайысында командаммен бірге жасаған жұмыстарымды қорғап шығып топ жарып респуьликаға жолдама жеңіп алған болатынбыз. Бұл жобаның негізін Қамқорлық фракциясының көшбасшысы ретінде бастаған болатынмын. 2023 жылдан бері құрылған Жылу ұйымымен көп шараларда бой көтеріп, әлі күнге дейін жұмыс жасап келеміз. Ал қазір осы ө. ө. б
Тоқсан ауыз сөздің тобықтай түйіні, бұл жоба қоғамның әлеуметтік жауапкершілігін арттыруға және осал топтарды қолдауға үлкен үлес қосады. Бұл жобалар арқылы халықтың қауіпсіздігі мен әл - ауқатын жақсартуға мүмкіндік бар.

Маңғыстау облысы, Мұнайлы ауданы,
“Қызылтөбе лицейі” КММ - сінің 10 - сынып оқушысы
Мәлік Жайдары, жетекшісі: Алданазарова З. К.