ойын сауық отауы
Наурыз-тілек
21.03.2016 3 593 1 Admin

Наурыз-тілек

Бата, тілектер / Өлеңдер
Наурыз-тілек

Табиғаттың гүл еркесі Көктем күнін өткерсін,
Сол гүл ерке атырапқа жақсылығын ап келсін!
Көктеміне ілесе анық Наурыз кірсе есіктен,
Сол Наурызбен айналаға нұрға толы бақ келсін!

Табиғаттың гүл еркесі көктем жетті дегейсің,
Сол көктеммен көңілдердің пейілі ақ боп кеңейсін!
Сол пейілмен астасқандай Наурыз кірсе есіктен,
Ұлыс күнмен тіршіліктің несібесі көбейсін!

Табиғаттың гүл еркесі Көктем келіп жар салсын,
Сол қыз-Көктем адамдарға бақыт жайлы ән салсын!
Сол әнменен ілесе егер Наурыз енсе есіктен,
Жаңа күнін үлкен-кіші шаттықпенен қарсы алсын!

Көктем келіп күллі Дала әсемдікке боялсын,
Сол әсемдік атырапқа өрнегін шын жая алсын!
Сол бояумен түрленгендей Наурыз жетсе есіктен,
Күллі әлем жасарғандай осы күнмен оянсын!

Наурыз тойдың әні талай жүректерді сендірсін,
Сол әнменен Ару жайнап, шаттықпенен ел күлсін!
Сол әуенмен тербелсін де ғашықтардың жүрегі,
Жастық жігер әнін естіп табиғат та серпілсін!

Десін елі Наурыз жайлы осы бізге ерек күн,
Десін халық Наурыз жайлы бұл Жаңа күн бөлек тым.
Ұлы күннің ырысты үні пәк күлкіге үн қосып,
Нұрландырсын бесіктегі сәби жүзін бөбектің!

Көктем-қыздың інжуімен бар табиғат жасансын,
Елжіресін, жаны күліп, жанарына жас алсын.
Қарт тарихы бастау болған Қазақ Елі тағы бір
Жаңа жылдың Жаңа күні Наурызымен жасарсын!

Авторы:
Ғабиден ҚОЖАХМЕТ,
Қызылорда қаласы

Наурыз мейрамы құтты болсын! Наурыз мейрамы құтты болсын!
Баршаңызды Ұлыстың Ұлы күні – Наурыз мерекесімен шын жүректен құттықтаймын! Наурыз – іргесі сөгілмес бірліктің берекесі, ырысы төгілмес тірліктің
Наурыз Наурыз
Өлкеме Наурыз келді, көктем келді, Құлпырып гүлге орап көк пен жерді. Халқымның салт - дәстүлерін аялаған, Арманы асқақтады көптен бергі.
Наурыз келді, Күлеке, байқадың ба? Тұманбай Молдағалиев Наурыз келді, Күлеке, байқадың ба? Тұманбай
Наурыз келді, Күлеке, байқадың ба, Қатығыңды түндегі шайқадың ба. Құлшынасың толқындар алып қашып, Құлаш ұрған баладай қайта ағынға.
Наурыз келді ауылға нарға мініп Наурыз келді ауылға нарға мініп
Наурыз келді ауылға нарға мініп, Қаңқылдап жүр аспанда қарға күліп. Жадырайды дүние жарқылдайды, Жақын келіп қалғандай алдағы үміт.
Наурыз парасаты Наурыз парасаты
Айналаңнан жаңа көктем лебі ескен, Бұл кезеңде күн менен түн теңескен. Сан ғасырлық ата - баба салтына Көпір болған Наурыз өзің емес пе ең?!
Наурыз Наурыз
Ақпан кетті араз боп наурызбен, Наурыз жүр жоғалған бағын іздеп. Көктем жетті көрісіп, жанын үзген, Қыс аттанды қоштасып тағы бізбен.
Пікірлер (1)
Пікір білдіру
Ақпарат
Қонақ,тобындағы қолданушылар пікірін білдіре алмайды.
Умбет Турсынкул
#1 Умбет Турсынкул Қонақ 1 сәуір 2016 09:38
Ғабиден ағай 25 мектепте тарихтан пәнінен сабақ берген. Есімде мерекелік шараларда өлең шыгаратынсыз. Наурыз мерекесіне арналған "Наурыз-тілегіңіз" керемет!
×