Наурыз мерекесіне арналған бата

Наурыз мерекесіне арналған бата

Бісміллә деп бастайын,
Жаратқанға жастайын.
Наурыз келді, нұр келді,
Ақ пейілмен қол жайып,
Жақсы бата бастайын.

Ұлыс оң болсын, ақ мол болсын!

Уа, Жаратқан ие!
Берекелі Наурыз айында жасаған дұғамызды қабыл еткейсің!
Ұлыстың ұлы күнінде халқымызға құт - береке, ырыс - несібе, бейбіт өмір, тыныш заман бере гөр!

*****
Ақ мол болсын,
Дастарханда тоқ болсын!
Жанымызды жайнатқан,
Наурызым көп болсын!

Уа, Алла!
Бабаларымыздан мирас болып қалған осы мерекені ұрпақтан - ұрпаққа аманат ете гөр!
Елімізді ынтымақ пен бірліктен, бейбіт өмір мен татулықтан, молшылық пен ырыстан айырма!

*****
Күндей жарқын болайық,
Айдай толық толайық.
Берекелі заман боп,
Аман - есен болайық!

Наурыз келіп, ел - жұртқа жаңа жыл, жаңа күн, жаңа үміт сыйлауда.
Жаратқан, осы жаңарған күндерімізді құтты қыла гөр!
Халқымызға амандық, денсаулық, жарқын болашақ, бақытты өмір нәсіп ете гөр!

*****
Қайда барсақ жол ашық,
Ақ дастарқан мол асық.
Ынтымақ пен татулық,
Жанымызда жарасып!

Көңілдерге көктемдей мейірім мен шуағын төге гөр!
Әрбір шаңыраққа шаттық пен қуаныш,
Әрбір отбасына амандық пен бақыт,
Әрбір жүрекке жылылық пен махаббат бере гөр!

*****
Жүзімізден күлкі кетпесін,
Шаңырағымыз шайқалмасын.
Деніміз сау, бай - қуатты,
Өміріміз жайқалмасын!

Ұлыс күні құтты болсын,
Жақсы күндер жұғысты болсын!
Ақ дастарқанымыздан ырыс - несібеміз кетпесін,
Әрбір жанұяға бақ пен бақыт орнасын!
Әумин!