![Алғашқы қар](/oyin_sayk/templates/oiyn/dleimages/no_image.jpg)
Алғашқы қар
Өлеңдер
Тұманбай Молдағалиев өлеңі
Дала бүгін ақ ала, дала бүгін шағала,
Қонып жатыр шағала, менің келіп жағама.
Аспан мен жер арасы алым - беріс қозғалыс,
Қарауытар маңайың қадағанмен көзді алыс.
«Қар жауды», - деп күнсініп, анам отыр бүрісіп.
«Қар жауды», - деп қуанып, Құралайым жүр ұшіп.
«Қыс кеп қалды жарықтық», - деп қояды кәрі анам.
Үйді дуға қарық қып Құралай жүр манадан.
Анам күннің өткенін ұнатпайды, шамасы,
Жақындаған көктемін қызықтап жүр баласы
Ұнатпайды анашым бұрқыраған боранды,
Желді, қарды, аязды жек көретін боп алды.
Немересін құшақтап, бір күрсініп қояды,
«Жақын қалды, дегендей, - өмірімнің бораны».
Күн де батып барады, жел соғады шамалы,
Жапалақтап далада жауып жатыр қар әлі.
Тұманбай Молдағалиев басқа өлеңдері
Дала бүгін ақ ала, дала бүгін шағала,
Қонып жатыр шағала, менің келіп жағама.
Аспан мен жер арасы алым - беріс қозғалыс,
Қарауытар маңайың қадағанмен көзді алыс.
«Қар жауды», - деп күнсініп, анам отыр бүрісіп.
«Қар жауды», - деп қуанып, Құралайым жүр ұшіп.
«Қыс кеп қалды жарықтық», - деп қояды кәрі анам.
Үйді дуға қарық қып Құралай жүр манадан.
Анам күннің өткенін ұнатпайды, шамасы,
Жақындаған көктемін қызықтап жүр баласы
Ұнатпайды анашым бұрқыраған боранды,
Желді, қарды, аязды жек көретін боп алды.
Немересін құшақтап, бір күрсініп қояды,
«Жақын қалды, дегендей, - өмірімнің бораны».
Күн де батып барады, жел соғады шамалы,
Жапалақтап далада жауып жатыр қар әлі.
Тұманбай Молдағалиев басқа өлеңдері
Алғашқы қар өлеңдер Тұманбай Молдағалиев Тұманбай Молдағалиев өлеңдері қыс туралы өлең қыс туралы өлеңдер
![Бәйшешек. Тұманбай Молдағалиев](/oyin_sayk/templates/oiyn/dleimages/no_image.jpg)
«Жер жылыды, сен де жылы» дегендей, Күннің ыстық шұғыласына бөленбей, Қар астынан қылтияды бәйшешек, Тұрмақшы боп ешбір көзге еленбей.
![Елегізу. Тұманбай Молдағалиев](/oyin_sayk/templates/oiyn/dleimages/no_image.jpg)
Ұйқым қайда, құдай - ау, ұйқым қайда, Сыртта біреу жылай ма, сылқылдай ма, Көк теректер неліктен шулай қалды, Берілемін неліктен бір түрлі ойға.
![Жалғыз қайың. Тұманбай Молдағалиев](/oyin_sayk/templates/oiyn/dleimages/no_image.jpg)
Жалғыз қайың, сені көрсем, жабығам, Қайдағы бір өткенімді сағынам. Жалғыз тамшы жас жанардан төгілген, Жалғыз жапырақ ерте үзілген бағынан.
![Қыран құс. Тұманбай Молдағалиев](/oyin_sayk/templates/oiyn/dleimages/no_image.jpg)
Бақыттысың, қыран құс, Бақытыңда шек бар ма. Тағдырыңа айтасың ғой мың алғыс Аспан барда, көк барда.
![Көктем](/oyin_sayk/templates/oiyn/dleimages/no_image.jpg)
Күн жылына бастады, көктем келді, Ұнатамын бетімен өпкен желді. Шартылдайды найзағай көк аспанда, Салып жатыр қып - қызыл отпен белгі.
![Туған жерге](/oyin_sayk/templates/oiyn/dleimages/no_image.jpg)
Күнім сенсің, тас төбемде тұрса түн, Анам сенсің, жолдан тайсам, ұрсатын. Саған қарай ұлып келем, туған жер, Көктем жаққа құстар солай ұшатын.