Оқу - Сәкен Сейфуллин

Ақша қар үлпілдеген қалқып ұштың, Жер үшін шатты жайдан – көктен түстің. Қайғысыз мәңгі сәби періштелер, Мәңгілік жайын тастап жерді құштың.

Кеш. Ымырт. Таудың іші... жазғытұры, Құлпырды шыққа оранып ойы, қыры. Тәніне құлпырған ақ перде жапқан Сұлудай тау менен тас жердің түрі.

Көшкен елдей, Соққан желдей, Жастық шағы өтер тез.

Кетпейтін естен ғашық жар! Айта алмай жүрген сөзім бар, Талай жерде оқталып, Айтуға көріп ұят-ар.

Ойынды қой, оқы інішегім, алға бас! Жарқыратып ақ нұрменен көңіліңді аш. Балалыққа жас миыңды алдатпа, Ғылым үйрен, нұрға толсын кеудең жас.

Болыпты баяғыда Жеке батыр.... Тау бағып жатады екен тігіп шатыр. Бір күні қарауылда қалғып кетіп, Сол батыр бүгінгеше ұйықтап жатыр.