08.05.2016 2 705 0 Дауыл

Жолдастарға

Өлеңдер

Мұқағали Мақатаев

Күндіз көңіл тыншымас, түнде көңіл,
Бәрі аян:
Еткен тірлік, сүрген өмір.
Түнгі ұйқымды төрт бөліп, мазалаған,
Көкейімде, жолдастар, бірдеңе жүр.
Бірдеңе жүр..,
Білмеймін не боларын,
He келерін басыма, не қонарын.
Су аяғы ңұрдымнан ойымды алып,
Су аяғы құрдымда доғарамын.
Бірдеңе жүр...
Білмеймін не боларын.
Жоққа жүйрік жетпейді,
Жеткізбейді!
Кім біледі, қу көңіл жоқты іздейді.
Жолын тауып, жолдастар, дариядан,
Жел қайыққа мінгіз де, өткіз мейлі.
Су аяғы құрдым ғой ой дегенің,
Қалай ғана құрдымға бой беремін!?
Әлі талай алдымда салтанат бар,
Әлі талай алдымда той көремін.
Meн өмірге келмегем күдікпенен,
Үмітпенен енген ем, үмітпенен.
Жоқ іздеген жандайын әзірге мен,
Әйтеуір жүріп келем, жүріп келем...

Мұқағали Мақатевтың өлеңдері 1
Мұқағали Мақатевтың өлеңдері 2

Оқи отырыңыз

Күміс жалды күн дейтін көлікпенен

Күміс жалды күн дейтін көлікпенен, Көріп келем өмірді, көріп келем. Қуатым бар жанымда сеніп келем, Даңғазаға даурығып, желікгіеген.

Жүрегімде жүргені - ай бір қауіптің

Жүрегімде жүргені - ай бір қауіптің, Сабағындай шырмайды шырмауықтың Үмітпенен, арманмен, күдікпенен, Өтіп жатыр зымырап зырлауық күн.

Жырласам ба екен

Жырласам ба екен, жыласам ба екен, білмеймін, Алдымда тұрған адамды мынау кім деймін?! Алдымда менің адасып кеткен арман тұр, Жылатсам ба екен,

Бауыржан Момышұлына

Аға, Саған, білмеймін не айтарымды, Қай қырыңнан білмеймін байқарымды. Көңілдегі ой көмейге кептелді де, Түрмесіне кеудемнің қайтарылды.

Басыма менің, бақ, қондың

Орынсыз ойнап, күлгенде, Опық жеп талай жүргенде, Басыма менің, Бақ, қондың, Байқаусыз шақта, бірдемде

Адамзаттың ұрпағы

Дәл осы көшеменен кім жүреді, Он жылдар, жүз жыл өтер, кім біледі. Оны тек сол шақтағы күн біледі! Оны тек сол кездегі түн біледі.