Бізбен байланыс
kum2017@yandex.ru
WhatsApp: +7 705 241 87 47


Ал, қане, ұлдар!

25 желтоқсан 2012, Сейсенбі
Категориясы: Тәрбие сағаты
Ақтөбе облысы,
Ақтөбе қаласы, «Сымбат» жеке мектебі
Бастауыш сыныбының І санатты мұғалімі
Макуова Нуршат Аманкосовна

Тақырыбы: Ал, қане, ұлдар!
Түрі:сайыс
Бағыты: ұлтжандылық тәрбиесі
Көрнекілігі: нақыл сөздер, суреттер, күнделікті қолданылатын ұлттық бұйымдар, сандық, домбыра, киіз үй т.б. заттар.

Мақсаты:
Білімділігі: Ата –бабаларымыздан бері ұрпақтан ұрпаққа жеткен халықтың салт-дәстүрімізді дәріптеу, насихаттау.
Тәрбиелігі: Ұл балаларды ұлтжандылыққа тәрбиелей отырып, баланың жан дүниесіндегі талғамын қалыптастыру арқылы әдептілікке, ізеттілікке тәрбиелеу.
Дамытушылығы: Оқушының дүниетанымын кеңейте отырып, ой-өрісін дамыту.

Жоспар:
І. Кіріспе сөз
ІІ. Сайыс
Сайыс 7 бөлімнен тұрады.
1. Таныстыру.
2. «Ойлан, тап» жұмбақтар шешу.
3. Мақал-мәтелдер сайысы.
4. Сұрақтар, тапсырмалар.
5. Ою-өрнек.
6. Ормал тастамақ ойыны.
7. Білек күшін сынасу.

ІІІ. Негізгі бөлім
1. Кіріспе сөз
Мұғалім: Ал, қане, ұлдар атты сайысымызда ата-бабаларымыздан бері ұрпақтан ұрпаққа жеткен салт-дәстүрімізді, асыл сөздерімізді дәріптеу, насихаттау мақсатында өтеді. Ұл балаларды ұлтжандылыққа тәрбиелеу. Сайыстың бөлімдерімен сіздерді таныстырып өтейін.

2. Сайыстың бөлімдерін айтып таныстыру.
1-бөлім:Әр сыныптың оқушылары ортаға шығып өздерін таныстырады.

2-бөлім: «Ойлан, тап» жұмбақтардың шешуін табу.
1. Әжем сақтар тапқанын,
Қоймасы бар шап-шағын. (сандық)
2. Торы тай,
Табында төрт ай. (таға)
3. Сөзі дана, үні жоқ,
Сөйлемейді тілі жоқ.
Қолыңа алсаң шешен,
Ақылы асқан көсем (кітап)
4. Қос қазық, екі желі, сегіз ноқта,
Сөйлейді шежіредей адам соқса. (домбыра)
5. Иесі оның - сәби,
Әрі төсек, әрі үй. (бесік)
6. Көтеріп орман, тоғай, тастың бәрін,
Жанында шөгіп жатыр, үлкен нарың. (киіз өй)
7. Көліксіз өмір сүрмейді,
Ғұмыры жаяу жүрмейді. (ер тоқым)
8. Жаңылмастан жетеуі.
Кезек қызмет етеді. (аптаның жеті күні)

3-бөлім: «Жалғасын тап» (мақал-мәтелдер сайысы)
1. Туған жердей жер болмас
...(Туған елдей ел болмас)
2. Тіл тас жарады,
...(Тас жармаса, бас жарады)

3. Бұлақты болса көл семіреді.
.... (Ынтымақты болса ел семіреді)
4. Кісі елінде сұлтан болғанша,
...(Өз еліңде ұлтан бол)
5. Туған жердің құдіретін,
...(Шетте жүрсең білерсің)
6. Отан от басынан .... (басталады)
7. Ел елдің бәрі жақсы,
...(Өз елің бәрінен жақсы)
8. Тұғырым менің - .... (туған жерім)

4-бөлім: сұрақтар, тапсырмалар
1. Қазақтың ұлттық ойындарын ата.
2. Ырым, тиым сөздерді айту.
3. Қазақтың ұлттық мерекесі жаңа жылы қай кезде болады?
4. Қазақтың ұлттық тағамдарын ата.
(бесбармақ, бауырсақ, құрт-май, айран, шұбат, т. б. )
5. Бала шыр етіп дүниеге келгенде жасалатын дәстүрлерді ата.
6. Батаменен ел көгерер, бата бере білесің бе?
7. Айран қай малдың сүтінен жасалады?
8. Қаймақ қандай сүттен алынады?
- Оқушылардың жауаптары тыңдалады.

5-бөлім: Ою-өрнек
- Сол жерден өздерінің таңдауы бойынша ою қиып көрсетеді.
6-бөлім: Орамал тастамақ ойыны
- Ойын шарты таныстырылады.

7-бөлім: Білек күшін сынаймыз
Кім епті екенін сыныпта,
Күштілер бар біздерде
Төтеп берер тығырықта –деп оқушылар білек сынасады.
Табылар білім болса бар асыл да,
Кезек қазылардың бағасына - деп сөз кезеңін әділқазылар алқасына береміз.

ІY. Қорытындылау
Мұғалім:Жас ұрпақтың рухани нәр алып жетілуіне халықтық асыл мұраның әсері мол. Соны жинап зерттеп, келер ұрпақтың бойына дарыту кезек күттірмейтін өзекті мәселенің бірі. «Ұяда не көрсең, ұшқанда соны ілерсің» дейді қазақ. Бала жасында қалай тәрбиеленсе, есейгенде соны істейді. Халықтық тәрбиенің туын биік ұстап жас ұрпақты қасиетті халқымыздың тәлімгерлік
үлгісімен тәрбиелейік.
12 560
0
  • 0
0 дауыс


Жаңалықтар
Атадан қалған асыл сөз
Атадан қалған асыл сөз
Оқушыларға ата - бабамыздан қалған асыл мұралардың бірі – шешендік сөздердің құдіретін таныту, Қазақ даласында өмір сүрген дуалы, от ауызды, орақ тілді шешендердің ұрпақтан ұрпаққа, атадан балаға мұра ретінде жеткен асыл сөздерінің мағынасын ашу.
Балабақшадағы би әлемі
Балабақшадағы би әлемі
балалардың эстетикалық қабілеттерін дамыту, дене қозғалыстарының үйлесімділігін, икемділігін қалыптастыру.
Халықтың мұрасы - физика сабағында
Халықтың мұрасы - физика сабағында
Жамбыл облысы Қордай ауданы Қордай ауылы Балжан Бөлтірікова атындағы № 4 орта мектептің физика пәні мұғалімі: Керімбаева Ләзат Амангелдіқызы
"Ынтымақты отбасы" сайысы
"Ынтымақты отбасы" сайысы
Ақтөбе облысы, Шалқар ауданы, ГКС - 12 орта мектебінің мектепалды даярлық тобының мұғалімі Тулебова Назира Джеткергеновна
Ата-бабаларымыздан қалған салт-дәстүрдің бірі - «Ерулік»
Ата-бабаларымыздан қалған салт-дәстүрдің бірі - «Ерулік»
Балқаш қаласы, Абай атындағы №2 лицейдің 2 сынып оқушысы Николаева Назерке Жетекшісі: Алибек Гүлмира Егінәліқызы
Армандай  білеміз бе?
Армандай білеміз бе?
Ақтөбе облысы, Ақтөбе қаласы, "Сымбат" жеке мектебі бастауыш сыныбының І санатты мұғалімі Макуова Нуршат Аманкосовна Тақырыбы: Армандай білеміз бе?
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×