Ойма – нақышты бұйымдардың түрлері

«Мамандандыру» пәнінен ашық сабақ

Тақырыбы: Ойма – нақышты бұйымдардың түрлері
Сабақтың түрі: Практикалық сабақ
Сабақ мақсаттары:
Білімділік: Студенттердің теориялық білімдерін тәжірибемен ұштастыру, мамандық бойынша танымдық деңгейін арттыру.
Тәрбиелік: Ұлттық ою - өрнекті қадірлеу, эстетикалық талғамын ұштау, өз - ара көмектесуге баулу.
Дамытушылық: Оқушылардың білімдерін жүйелеп, шеберлік қасиетін және шығармашылық ой өрісін дамыту.
Пәнаралық байланыс
Қамтамасыз ететін Қолөнер, ОШП, материалтану, бейнелеу өнері.
Сабақтың әдісі: Репродукциялау әдісі, «Блумның сұрақ қою жүйесі» стр.; «Нобайлау» стр.; «Талқылау картасы» стр.

Сабақтың мазмұны:
І. Ұйымдастыру кезеңі:
1. Сәлемдесу, түгендеу;
2. Сабақтың тақырыбын жариялау, сабаққа назар аудару;
3. Жұмыс орнын дайындау;
4. Оқушыларды топқа бөлу, таныстыру;
5. Сабақта сақталатын қауіпсіздік ережелерін тексеру.

ІІ. Ой шақыру: Өткен сабақтардан алған білімдерін жаңа тақырыппен байланыстыру мақсатымен «Блумның сұрақ қою жүйесі» бойынша сұрақтар қойылады.
Қойылатын сұрақтар:
1. Ұлттық қолөнердің топталуы.
2. Дәстүрлі қолөнер түрлерін атаңыз.
3. Кестелеудің қандай түрлері болады?
4. Ұлттық ою - өрнектердің жіктелімі.
5. Ою - өрнектердің мазмұндық ерекшеліктері.
6. Ұлттық ою - өрнектердің қандай функциясы бар?

ІІІ. Мағынаны ашу: Қолданбалы өнер – түрлі ұлттың халықтары сияқты қазақ еліне де тегіс тараған өнер. Қолөнер тек ою - өрнек қана емес, олар математикалық ойдың, есептің, бұрыштар өлшемдерінің өң - түстері жан - жақты шығармашылықпен ойландырады. Ою - өрнек – халық тұрмысында кең тараған, қазақ қолөнерінен алар орны бөлек (кілем, алаша, ыдыстар, киім, киіз үйдің іші - сырты), бұрынғы көне заманнан келе жатқан қолөнердің бір түрі.
Қазақ ұлттық ою - өрнектері адам өміріне қажет заттарды, бұйымдарды, архитектуралық құрылыстарды сәндеу арқылы халықтың тыныс - тіршілігін, қоршаған ортаға көзқарасын, мәдениетін, талғамын көрсететін өнер. Ұлттық қолөнер, оның ішінде, ойма - нақышты бұйымдар халық қолданбалы өнерінің бір үлкен саласы болып табылады және олар әртүрлі өрнектеу әдістерімен, эстетикалық әдемілігімен ерекшеленеді. Шеберлер ойма - нақышты бұйымдарды халықтың тұрмыс - тіршілігіне, өз дәуіріндегі заман ағымына қарай лайықтап отырған. Мысалы, халқымыздың көне бұйымдары көркем сәнділігімен қатар, сол бұйымдардың берік, әрі қолданыста болу жағын қарастырып келген.