Білімділер поралы

10 саны. 10 санын жазу.

10 саны. 10 санын жазу
Сабақтың мақсаты:
1) 10 саны және құрамымен таныстыру, 10 санын жазуды үйрету. 10 көлеміндегі қосу, азайту амалдарын орындау жолдарын түсіндіру.
2) Ойлау қабілеттерін дамыта отырып, ауызша, жазбаша есептеу дағдыларын жетілдіру, сөздік қорларын молайту, сөйлеу мәдениетін дамыту.
3) Алға қойылған мақсаттарына жетуге, нәтижеге жете білуге тәрбиелеу, табиғатқа сүйіспеншілігін арттыру.
Типі: жаңа білім меңгерту
Түрі: танымдық сабақ
Әдісі: сұрақ - жауап, түсіндіру, ойын, т. б.
Көрнекілігі: құстардың суреті, 10 саны, кесте, үлестірмелер.
Алдын ала дайындық: құстар туралы мәлімет дайындау.
Сабақтың барысы:

І. Ұйымдастыру кезеңі:
Балалар, бізде бүгін ерекше сабақ. Біздің сабағымызға қонақтар – мұғалімдер келіп отыр. (Сәлемдесу)
Психологиялық дайындық:
Қуан, шаттан, қуан, шаттан,
Қуанатын күн бүгін.
Қайырлы таң, қайырлы күн,
Күліп шықты күн бүгін.
- Бүгінгі сабақта сендер білімдеріңді ортаға сала отырып, қыстап қалған құстарға көмек көрсетулерің керек. Құстарды жемшашар ыдысқа қондырамыз.
- Екі топ оқушылардың жұмысы бағалау парағына қызыл, жасыл дөңгелектермен белгіленіп отырады. Дұрыс жауап: қызыл. Қате жауап: жасыл дөңгелек бағалау ұяшығына түседі. Математика сабағы болғандықтан, екі топ геометриялық фигуралармен белгіледік – үшбұрыш және дөңгелек.

1 - тапсырма: «Бой жазу» сұрақтарға жауап алу.
1. Төртбұрышта неше бұрышы бар?
2. Қосуға кері амалды ата.
3. Бір аптада неше күн бар?
4. Оқу жылы қай айдан басталады?
5. 2+3 қанша болады?
6. Шеңберде бұрыш бола ма?
7. 3 кг темір ауыр ма? 3 кг мақта ауыр ма?
8. 9 саны қалай шығады?
9. Партаның неше бұрышы бар?
10. Бір бұрышын алса қанша бұрыш болады?
Жемшашар ыдысқа торғай ұшып келді. Балалар, торғай туралы не білеміз?
Оқушы: Торғай – ең таныс құс. Бүкіл жерде адамның жанынан табылады.
Адам бар жерде, торғай да бар. Көбінесе топталып жүреді. Ұясын әр жерге сала береді, тіпті көше шамдары мен пошта жәшіктеріне де. Бір жазда екі рет ұя салады.
Балалар торғай өзімен бірге сендерге сан ала келіпті, сол санды қазір білетін боламыз.

Сергіту сәті:
Оң қолымда бес саусақ,
Сол қолымда бес саусақ.
Беске бесті қосамыз,
Алақанды соғамыз.
- 5+5 қосқанда қанша болады?
- 10 болады.
- Ендеше, торғай қандай санды алып келіпті?
- Ия, 10 санын.
1 - ден 10 - ға дейін тура және кері санату.
- 10 санын қалай атауға болады?
- Үй құстарына қандай құстар жатады?
- Тауықтың баласын қалай атайды?

Жаңа сабақ:
1. Сурет бойынша түсінік. Оқулықтағы балапандарды сана. Не өзгерді?
9+1 = 10
10 * 9
10 - 1=9
9 * 10
(оқу, теңдік, теңсіздік екенін атау)
2. Суреттегі теңіз әскерлерінің санын өсу ретімен жазып шығу.
Жемшашарға суықторғай ұшып келді.
Оқушы: Суықторғай орманды жерлерде өмір сүреді. Қазақстанда қазан айынан наурыз айына дейін болады. Олар біздерге қыстауға келеді.

2 – тапсырма: 10 санын жазып үйрету. 1, 2, 3, 4, 5, 6, 7, 8, 9 сандары қандай сандар?
10 саны неше таңбадан құралған?
- Дұрыс, 10 саны екі таңбалы сан деп аталады.
Жазылуын түсіндіру.
Екі тор көзге жазылады, 1 оң жақ бөлікке, 0 сол жақ бөлікке жазамыз.
Партаға отыру ережесін еске түсіру.
Оқулықтағы теңдіктерді көшіріп жазу, мәнін жазу. Ұшып келген құс қарға.
Оқушы: Қарға бұл бәрімізге өте таныс құс. Бұл жыртқыш. Ұсақ құстарды, олардың балапандарын, жұмыртқаларын аш болса жеп қояды. Қарғалар өте ұзақ өмір сүреді. 100 жылға дейін.

4 – тапсырма:
1. Кесінділерді өлшеп, салыстыру.
2. Жиектегі тапсырма: 10 теңге шыға ма?
3. Тақтамен жұмыс: Сурет бойынша теңдік құрастыру.
Ұшып келген құс көкшымшық.
Оқушы: көкшымшық – Алатау, Алматы жағында болады. Өзге жерлерде сирек кездеседі. Бір жылда екі рет балапан басады. Тамақтандыратын біреу болса қуана – қуана ұшып келеді. Зиянды жәндіктерді өте көп құртады.

Сергіту сәті:
Оңға, оңға, түзу тұр,
Солға, солға, түзу тұр.
Алға қарай бір қадам,
Жоғары – төмен қараймыз,
Орнымызды табамыз.
5 – тапсырма: Өздік жұмыс.
1. Өрнектің мәнін табу.
2. Ойын: «Ойлан тап».
10 10 10 10
/ \ / \ / \ / \
8 3 6 5

Жемшашарға қайшыауыз ұшып келді.
Оқушы: Қайшыауыздардың тұмсығы мүлдем ерекше. Шеттері қатты майысқан. Олар сол тұмсығымен шыршаның бүрлерінен тұқымын аршып жейді.
6 – тапсырма:
1. Ойын: «Менің орным қайда?»
2. Тізбекті орындау (ауызша).

Жемшашарға тоқылдақ ұшып келді.
Оқушы: Бұл құсты кішкене кезімізден білеміз. Ол орман емшісі. Ағаштары зиянды жәндіктерден құтқарады. Бұлар ешқашан топталып ұшпайды.

7 – тапсырма:
1. Балықшы қанша балық ұстап алды?
2. Екі топқа кесте беріледі, 10 санының құрамын жазады.
Ұшып келген құс көгершін.
Оқушы: Көгершіннің басқа да аты бар. Оны кептер деп атайды. Кептердің түрлері көп. Кейбір түрлері «Қызыл кітапқа» енгізілді. Көгершінді бейбітшілік құсы деп танимыз.

Сабақты қорытындылау: Бағалау парағынан жеңімпаз топты байқау. Әр оқушының жұмысын бағалап, мадақтау.

Алматы облысы, Қарасай ауданы,
Қаратөбе ауылы, "Б. Тамабаев атындағы орта мектебі"
коммуналдық мемлекеттік мекемесі
бастауыш сынып мұғалімі
Жалгасова Лаура Сайлаубаевна
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Үздік жаңалықтар
загрузка...
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 56
Қолданушылар: 0
Қонақтар: 56
Роботтар: 2
Соңғы пікірлер
Ілмек сөздер
Сайт статистикасы
Яндекс.Метрика