Білімділер поралы

Бастауыш

Бастауыш
Қазақ тілі 3 сынып
Сабақтың мақсаты:
Білімділік: сөйлем мүшелері туралы білімін одан әрі кеңейтіп, тұрлаулы мүшелер туралы мағлұмат алу. Бастауыштың өзіндік ерекшеліктерімен танысып, жаттығу жұмыстарын орындау.
Дамытушылық: оқушылардың өз ойын анық жеткізе білуге, сөздік қорын, ойлау қабілетін, сөйлеу қабілеттерін дамыту.
Тәрбиелік: оқушыларды ұқыптылыққа, шапшаңдыққа, қамқорлыққа, достарына және айналысындағы барша адамдарға көмектесуге тәрбиелеу.
Сабақтың түрі: дәстүрлі емес
Сабақтың типі: аралас сабақ
Сабақтың әдістері: түсіндіру, әңгімелеу, сұрақ - жауап «Синтаксистік карта» ойыны.

Сабақтың барысы:
Ұйымдастыру кезеңі.
- Оқушылармен амандасып, сабаққа дайындығын тексеру.
- Оқушыларды түгендеу.
- Сынып тазалығын тексеру.

Үй тапсырмасын тексеру.
4 - жаттығу. Әр қатарға бір сөзден қосып, пирамида құрастыр.
• Сөйлем мүшесі дегеніміз не?
• Сөйлем мүшесі қандай мағынаны білдіреді?
• Сөйлем мүшесі нешеге бөлінеді?

Жаңа сабақ.
Оқушылар мұғалімнің басшылығымен алдымен жеке суреттер бойынша сөйлем құрастырады, сөйлемде кім туралы айтылғанын айтады. Кейбір сөйлемдерді мұғалім тақтаға жазады, ал қалғанын оқушылар ауызша талдайды онда кім, не туралы айтылғанын көрсетіп тұрған сөздердің астын сызады, үстіне сұрақтарын жазады.
Сөйлемдегі ойдың негізі болып тұрған сөйлем мүшелерінің бірі бастауыш деп аталатыны, ол кім? не? кімдер? нелер? деген сұрақтарға жауап беретіні түсіндіріледі
Оқулықтағы жаттығу жұмыстарын орындағаннан кейін, оқушылардың сөз таптары жайындағы осы білім дағдыларына сүйене отырып, бастауыштың көбіне зат есімнен және зат есімнің орнына жұмсалатын сөздерден (мен, сен, ол, біз, т. б.) болатынын айта кетуге болады.
Мынадай кесте арқылы түсіндіруге болады.

Сұрақтары. Сөйлемдер.
Кімдер? Оқушылар Сурет көрмесіне барды. Олар суреттерді ұзақ тамашалады.
Нелер? Құстар зиянды жәндіктерді жейді. Олар адамдарға пайда келтіреді.
Кім? Марат сабағын оқып болды. Ол енді анасына көмектеседі
Не? Қоян қаша жөнелді. Ол түлкіден қорқады.

Оқулықпен жұмыс.
1 - жаттығу. Сөйлемдерді көшіріп жаз.
• Сөйлемде кім немесе не жайында айтылып тұр? Сол сөздердің астын сыз.
• Талғат бірінші сөйлемде балалар туралы айтылады деп есептейді. Ал Гүлнар сөйлемде музей туралы айтылады деп санайды. Сен балалардың қайсысымен келісесің?
1) Балалар бүгін музейге барады.
2) Құстар жылы жаққа ұшып кетті.
3) Болат қиын есепті өзі шығарды.
4) Апам бөлмені жинады.

2 - жаттығу. Суреттің орнына тиісті сөздерді қойып көшіріп жаз.
Суреттің орнына жазылған сөздерге сұрақ қой.
1) Дәрігер науқас адамдарды емдейді.
2) Құстар аспанға ұшты.
3) Аю қысқы ұйқыға қамданды.
4) Бекзат тамылжыта ән салды.

Сергіту сәті.
Біз жазғамбыз, біз жазғамбыз.
Саусақтармыз жолды.
Әрі - бері дем алдырып,
Қайта жазу жазамыз.

3 - жаттығу. Өлеңді оқып, көшіріп жаз.
• Бастауыштардың астын сыз, оларға сұрақ қой.-
Мен дала бардым
Мен дала бардым
Қыр гүлін берді,
Қол суын берді,
Күн нұрын берді.

4 - жаттығу. Мәтінді оқы. Көп нүктенің орнына тиісті сөздерді қойып жаз.
( Кімдер?)... сыныпта гүл өсіреді. ( Нелер?)... сынып бөлмесінің ауасын тазартады. Аквариумда ( нелер?)... жүзіп жүр. ( Кімдер?)... балықтарға қамқорлық жасайды.
Керекті сөздер: балалар, балықтар, олар, өсімдіктер, оқушылар.

Қорытынды.
«Синтаксистік карта» ойынын ойнату. Оқушыларға сөз және сұрақтар жазылған карточкалар таратылады. Мұғалім сөйлемдерді айтып шығады. Оқушылар сөйлемдерді карточка бойынша логикалық байланысты мәтін етіп құрайды құраған сөйлемдеріндегі бастауышты тауып, оның сұрағы жазылған карточканы тиісті қалташаға салады. Бұл ойының тәртібін керісінше өзгертуге де болады, яғни сөйлемде бастауыш берілмей, оның сұрағы ғана беріледі де, бастауыш жеке карточкаға жазылады. Ал балалар сөйлемнің мағынасы мен берілген сұрағына сәйкес бастауышты (карточканы) сол қалташаға салады.

Үйге тапсырма.
5 - жаттығу. Сурет бойынша әңгіме құрастырып жаз. Бастауыштардың астын сыз.
Бағалау.
Оқушыларды смайликтер арқылы бағалау.
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Загрузка...
Ақпарат
Қонақтар,тобындағы қолданушылар пікірін білдіре алмайды.
Үздік жаңалықтар
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Соңғы пікірлер
Өз пікіріңді білдір
5 күндік оқу кестесі дұрыс па?
Ия керемет
Бұрыннан күткем
Еш өзгеріс келтірмеді
Маған бәрібір
Жоқ бұрынғысы дұрыс еді
Сайтта кім бар
Барлығы: 79
Қолданушылар: 1
Қонақтар: 78
Роботтар: 3
Mamaseriko
Ілмек сөздер
Сайт статистикасы
Яндекс.Метрика