Кеңістікте әр түрлі орналасқан заттарды санау

Білім беру саласы: Таным
Ұйымдастырылған оқу іс - әрекеті: Қарапайым матемематикалық түсініктерді қалыптастыру

Тақырыбы: Кеңістікте әр түрлі орналасқан заттарды санау
Мақсаты: Балаларды берілген тапсырмаларды ынтамен дұрыс орындауға үйрету. Заттардың саны, олардың кеңістікте орналасуына тәуелсіз екенін көрсету. Әр түрлі ара қашықтықта орналасқан заттардың тең немесе тең еместігін анықтау. Кеңістіктік қатынастар (жоғары, төмен) туралы түсініктерін қалыптастыру. Айналадағы заттардың сұлбасынан геометриялық пішіндерді көре білуге дағдыландыру.
Ертегі желісі арқылы оқу іс - әрекетіне қызығушылығын тудыра отырып тіл байлығын байыту. Дидактикалық ойындар арқылы логикалық ойлау, есте сақтау қабілеттерін дамыту.
Жауапкершілікке, шапшаңдыққа, тез ойлауға және дер кезінде шешім қабылдауға тәрбиелеу.
Әдіс тәсілі: Шаттық шеңбері, сұрақ - жауап, көрсету, әңгімелеу ойын, санамақ, сюжетті бейне құрастыру, мадақтау.
Көрнекілігі: Компютер, қыс мезгілі бейнеленген сурет, үлестірмелі материалдар (ұсақ сандар, геометриялық пішіндер)
Үлестірмелі құралдар: Карточкалар, сандар, геометриялық пішіндер.
Алдын - ала жұмыс: Санамақ жаттау. Геометриялық пішіндерден сюжетті сурет құрастыру.
Пәнаралық байланыс: Көркем әдебиет, қоршаған ортамен танысу, құрастыру.

Мотивацялық қозғаушы кезең
- Балалар, көңіл – күйлерің қалай? (Көңіл – күйіміз өте жақсы)
Әрдайымда көңілді, жарқын жүзбен қуанышпен жүрулеріңе тілектеспін.
- Балалар, біздің тобымыз қалай аталады?
- «Күншуақ» ортаңғы «Б» тобы деп аталады
- Ендеше тобымыздың татулығын, достығымызды, білімділігімізді көрсетейік.
Аспан түрді түндігін,
Жерге сәуле таратты.
Неткен ашық күн бүгін,
Қайырлы таң, қайырлы күн!
Сәлеметсіңдер ме, апайлар!
Сәлеметсіңдер ме, достарым!
Достарымды көргенде,
Қуана қарсы аламын.( Балалар өлеңге сай қимылдар жасайды.)
Тамаша, жарайсыңдар.
Ізденуші ұйымдастырушы кезең
- Балалар, сендер ертегі көргілерің келеді ме?
- Әрине көргіміз келеді
- Ендеше экранға назар аударайық, қазір біз «Санауды білетін лақ»
ертегісін тамашалаймыз.(ертегіні көру)
Ертегі сендерге ұнады ма? ( Ұнады)
Ертегідегі ақ лақ ақылды екен, ол санай білгендіктен жануарларға көмегін тигізді.
Ертегідегі кейіпкерлерді санайық және сол санның таңбасын көрсетіп отырайық.
1 – ақ лақ (сан таңбасын көрсету)
2 – Бұзау
3 – Сиыр
4 - Әтеш
5 – Жылқы
(1, 2, 3, 4, 5 сан таңбаларын көрсетеді)
Балалар қайықта неше жануар болыпты
- Бес жануар болған
Жарайсыңдар!
Балалар бізде білімділігімізді көрсетейік.
Қазір сендерге ертегідегі жануарлар, тапсырма көрсетеді, соны орындап жауап беруіміз керек. Тапсырмалар орындауға дайынбыз ба?

Ақ лақтың 1 – тапсырмасына назар аударайық
Мына жерге қандай пішін жетіспейді?
Төрт бұрышты пішін жетіспейді

2 – тапсырма: «Көршісін тап» дид. ойын
1 3
Бірдің артындағы көршісі екі
Дұрыс таптыңдар, жарайсыңдар.
Енді бұзаудың тапсырмасына назар аударайық.
Сендердің алдарыңда екі жолақты карточка бар, карточканың жоғарғы жолағына 5 алмұрт, төменгі жолағына 3 алма қойып шығыңдар.
Қайсысы көп, оларды қалай теңестіруге болады?
Жоғарғы жолақшадағы алмұрт көп, ал төменгі жолақшадағы алма аз. Екі алма қоссақ тең болады.
Жарайсыңдар.
3. Сиырдың тапсырмасы бойынша (бой сергіту)
Тауға шықсаң қалың қар,
Сайға түссең қалың қар.
Шырша үсті қалың қар,
Ұйықтап жатқан аю бар.
4 - әтештің тапсырмасы:

1 – тапсырма:
Тарелкеде бес алма бар, оның екеуін досыма бердім, айтшы сонда тәрелкеде неше алма қалды? (Тәрелкеде үш алма қалды)
2 – ші тапсырма:
Тауықтың үш ақ балапаны және бір сары балапаны бар, олардың барлығы неше балапан болады? (Барлығы төрт балапан болады)
5 – Жылқының тапсырмасы:
Тақтада төрт бұрыш бар, әрқайсысында сұрақтар, жұмбақтар жасырылған, сол тапсырманы орындасаңдар бір сюжетті сурет шығады.
1 2
3 4
1 - жұмбақ: Бар жерді қаптап, етеді аппақ,
Көктемге қарай су болады,
одан әрі бу болады?(қар)
2 - жұмбақ: Үш бұрышы бар,
Үш қабырғасы бар,
Бұл қандай пішін? (үшбұрыш)

3 - сұрақ: Сандар туралы санамақ білесіңдер ме?
1 - саны:
Мені келсе білгің,
Мен таяқша бірмін.
Сандарға жол бастап
Ең бірінші тұрмын
2 - саны:
Бірден кейін тұрамын,
Бірден кейін тұрағым.
Бірді - бірге қосқанда,
Мен шығамын шырағым.
3 - саны:
Екіден соң әрқашан,
Үшінші мен тұрамын.
Қағазға сызып түсірсең,
Екі ирек саламын.
4 - саны:
Үш қашанда тақсаны,
Жұп болғанға не жетсін.
Төрт дегенің баяғы,
Төрт түліктің аяғы.