Кіріспе сабақ (күнделікті сабақ жоспары 6 сынып)

Қазақ тілі пәні бойынша жылдық күнтізбелік жоспар. 6 сынып
барлығы: 102 сағат.

Күнделікті сабақ жоспары, қазақ тілі 6 сынып.
Тақырыптар:
1. Кіріспе сабақ
2. Қазақ тілінің қоғамдық рөлі.
3. Әдеби тіл және оның нормалары.
4. Әдеби тіл мен мәтіннің байланысы.
5. Сөз байлығы және мәтін

Сабақтың тақырыбы: Кіріспе сабақ.
Сабақтың мақсаты:
а) білімділік: оқушыларға қазақ тілі — қазақ халқының әдеби тілі және мемлекеттік тілі екендігі жайлы толық мәлімет бере отырып олардың ой - пікірін
қалыптастыру.
ә) дамытушылық: ой - өрісін, ойлау белсенділігін, сөйлеу шеберлігін, тіл мәдениетін дамыту, сөздік қорын молайту.
б) тәрбиелік; елін, жерін, Отанын қадірлеуге, адамгершілікке, адалдыққа, еңбексүйгіштікке тәрбиелеу.
Сабақтың түрі: кіріспе сабақ.
Сабақтың әдісі: түсіндіру, суреттеу, салыстыру, Сұрақ - жауап, сөздікпен жұмыс, бағалау, бекіту, қорытындылау.
Сабақтың көрнекілігі: дид. материалдар, кестелер, кеспе қағаздары, тірек сызбалар.
Сабақтың формалары: жеке баламен, топпен, сынып ұжымымен жұмыс жүргізу.
Сабақтың типтері: ұйымдастыру кезеңі, жаңа сабақты түсіндіру, қорытындылау, бағалау.

Сабақтың барысы:
а) Ұйымдастыру кезеңі.
1. Сәлемдесу.
2. Кезекші мәлімдемесі.
З. Журнал бойынша түгелдеу.
4. Жаңа сабаққа дайындық..

ә) Жаңа сабақты түсіндіру.
Бүгінгі жаңа сабақта оқушыларға кіріспе сабақ жүргіземін..
Адам баласы тек білім арқылы ғана дүниені таниды, табиғаттың құпия сырларын ашады, ғылымды дамытады, техниканы өрістетеді, қоғамды ілгері бастырады. Білім арқылы өткен тарихын таниды, одан тағылым алады және болашағын болжап, келешекке бағыт белгілейді.
Білім, ең алдымен, тіл арқылы, әсіресе, ана тілі арқылы игеріледі. Демек, тіл, яғни ана тілі — білімнің негізгі құралы. Сондықтан ана тілінің осындай қасиетін ерекше бағалап, оны қадірлей білу керек. Ана тілі арқылы басқа халықтардың тілін оқып үйрену де жеңіл. Сонда ғана адамзат білімді меңгеріп, ғылымды игеріп, сол арқылы халқына, еліне пайда келтіре алады. Бұл айтылғандарды ақындардың өлеңдері мен халықтың өзі тұжырымдап шығарған мақал - мәтелдері де дәлелдей түседі.
Балалар, Бұл - жол басы даналыққа,
Келіңдер, түсіп, байқап, қаралық та.
Бұл жолмен бара жатқан өзіңдей көп,
Соларды көре тұра қалалық па?!
Даналык — өшпес жарық, кетпес байлық,
Жүріңдер, іздеп тауып алалық та! (А. Байтұрсынұлы)

Сұрақтар мен тапсырмалар.
1. Өлеңдерді мәнерлеп оқыңдар.
2. Даналық, өшпес жарық деген сөздерді қалай түсінесіңдер?
3. Бар қиынды тек қана ғылым жеңбек деген сөйлемді қалай түсінесіңдер?
4. Ахмет, Сұлтанмахмұт, Ыбырай аталарыңның осыдан әлденеше жыл бұрын айтқан ойлары қазір қалай дәл келіп тұрғанын түсіндіріп көріңдер.
5. Тастан сарай салғызды, Айшылық алыс жерлерден жылдам хабар алғызды, Аты жоқ құр арбаны мың шақырым жерлерге... барғызды. Адамды құстай ұшырды. Теңізде жүзді балықтай деген пікірлердің әрқайсысына бүгінгі өмірден нақты мысалдар келтіріңдер

6. Мақал - мәтелдерді оқып шығып, мәніне назар аударыңдар.
7. Өнер - білімге байланысты өздерің басқа да қандай мақал - мәтелдерді, нақыл сөздерді білесіңдер?
8. Оқу - білімге қатысты мақал не нақыл сөз шығарып жазыңдар. Сабақтың қорытындысы:
1. Сұрақ қою арқылы жаңа сабақты қорытындылаймын.
2. Оқушылардың берген жауаптарына қарай білімдерін бағалаймын.
3. Үйге тапсырма: өзіндік жұмыс: оқу, білім, өнер, еңбек, адалдық тақырыптарында мақал - мәтелдер мен нақыл сөздер жазып келіңдер.
Тексердім:



6, 7, 8, 9, 10 сабақтарды қарау
11, 12, 13, 14, 15 сабақтарды қарау
16, 17, 18, 19, 20 сабақтарды қарау
21, 22, 23, 24, 25, 26 сабақтарды қарау
ІІ тоқсан 1, 2, 3, 4, 5 сабақтарды қарау
6, 7, 8, 9, 10 сабақтарды қарау
11, 12, 13, 14, 15 сабақтарды қарау