Ә. Шынбатыров «Ақ кептер»

Сабақ сыни тұрғыдан ойлау, жазу және аймақтық компонент технологиясының әдіс - тәсілін қолдана отырып, өткізілді. Павлодар өңіріндегі кептерлердің түрлері ізденіс жұмыс түрінде алдын ала анықталды.

Әдебиеттік оқу
Сабақтың тақырыбы: Ә. Шынбатыров. «Ақ кептер».
Сабақтың мақсаты:
Білімділік: Кептердің түрлері туралы түсінік беру, әңгіменің мазмұнына сыни көзқарасты ояту.
Дамытушылық: Мәтінмен жұмыс істей білуге үйрету. Ойларын еркін жеткізуге жетелеу.
Тәрбиелік: Табиғатты қорғауға, гумандық көзқарасқа, адамгершілікке баулу.
Көрнекті құралдар: Үнтаспадағы кептердің дыбысын тыңдау.
Кептерлердің түрлері, банер.
Қолданылатын әдіс - тәсілдері: «Ой қозғау», «Жиксо» стратегиясы
(Сыни тұрғыдан ойлау, жазу), «Аймақтық компонент».
Сабақтың түрі: Ізденіс, мәтін талдау.

Сабақтың барысы:
I. Ұйымдастыру кезеңі.
Оқушылар «Бүркіттер», «Қарлығаштар», «Аққулар», «Бұлбұлдар» тобына бөлінеді. №1, №2, №3, №4 нөмірлі бейджиктерді тағады.
Қызығушылықты ояту: «Ой қозғау».
Үнтаспадан кептердің дыбысын тыңдайды.
Үй тапсырмасы - Кептерлер туралы мәлімет дайындау болатын.
- Кептерлер туралы не білдіңдер? (4 оқушының жауабы)
Бүгінгі тақырыбымыз не туралы деп ойлайсыңдар?
(Тақырыпқа шығу)
- Кептер туралы.
- Бүгінгі тақырыбымыз Ә. Шынбатыровтың «Ақ кептер» әңгімесі.
бетті ашып, суретке қараңдар. (Оқушылармен бірге сабақтың
мақсатын анықтау)
- Бүгін кептерлер туралы білімдеріңді толықтырасыңдар және әңгімедегі бала кептермен қалай кездесіпті, қандай бала екен? білесіңдер.

II. Мағынаны ажырату.
Мәтінді мәнерлеп кезекпен оқып, 4 бөлімге бөлеміз.
(1 оқушы мәнерлеп оқиды)
«ЖИКСО» стратегиясы. №1, №2, №3, №4 - ке нөмірленген бейджиктерді киеді.

1. Әр топ өз бөлімін оқиды.
2. Негізгі ойды табады. (жеке және жұппен ойлайды.)
3. Топпен бөлімге ат қояды, әңгімелейді.
4. Өз орындарына қайтады.
5. Әр бөлімнің идеясын ашады.
6. Әр топтан спикерлер қорғайды.

Сергіту сәті.
«Ақ көгершін» әнін үнтаспадан тыңдай отыра, қимылдар жасап билейді. Аналитикалық әңгімелесу.
Оқушыларды өз пікірін айтуға жетелеу.
- Еркін неге кешікті?
- Әжесі Еркінге неліктен риза болды?
- Еркін кептерді қалай күтті?
- Еркін қандай бала?
- Кептердің адамдарға жақындығы қай кезде байқалады?
- Еркін болашақта қандай азамат болады? - деп ойлайсыңдар?
Аймақтық компонент.
- Біздің Павлодар өңірінде қандай кептерлер тіршілік етеді?
(Мәліметті 4 топқа бөліп беру). Оқушылар түсініктерін айтып береді.
Тұжырымдау.
- Кептерлер туралы не білдіңдер?
- Достыққа бейім құс. Адамға жақын жүреді.
- Көгершіндер – бейбітшіліктің символы. Олар бір - біріне адал құс.
- Көгершіндер ертеде хат тасып, хабарласуға адамдарға жәрдем көрсеткен.

Рефлексия.
- Өздеріңнің көзқарастарың құстарға, табиғатқа өзгерді ме?
- Құстарға жем салып ұя жасап, көмектесу керек.
- Тас лақтыруға, жарақаттауға болмайды.
Үй тапсырмасы: Мазмұнын толық білу.
- Осы әңгімеге ұқсас әңгіме тауып оқып келу.
- Бағалау парағы бойынша балалар бағаланады.

Павлодар қаласы
қазақ тілі мен әдебиеті пәні мұғалімі
Картабаева Динара Гиззатовна