Қош келдің, Наурыз!

Қызылорда қаласы, №112 орта мектептің
бастауыш пәні мұғалімі Караулова Гулбарам Нурсултановна

Әдебиеттік оқу 3 сынып
Тақырыбы: Қош келдің, Наурыз!
Білімділік мақсаты: оқушыларға Міржақып Дулатовтың өмірі мен шығармаларын тереңірек таныстыру, әңгіменің тақырыбы мен жазушының идеялық мазмұнын мәтінге сүйене отырып ашу.
Дамытушылық мақсаты: оқушылардың ойлау, суреттеу, көз алдарына елестету, шығармашылық қабілеттерін дамыту, көркем шеберліктерін жетілдіру.
Тәрбиелік мақсаты: оқушыларға Наурыз мейрамы жайлы баяндап, суреттеп, әңгімелеуге тәрбиелеу.
Көрнекілігі: Интерактивті тақта слайд арқылы.
Сабақтың типі: аралас сабақ.
Сабақтың әдісі: сұрақ - жауап, оқу, әңгімелеу, топтық жұмыс, СТО әдістері.
Сабақтың барысы: Ұйымдастыру кезеңі.
Сабаққа әзірлік: Сабаққа зейіндерін аудару.

Психологиялық дайындық.
Оқимыз, үйренеміз, жалықпаймыз,
Білімнің шыңына біз шарықтаймыз.
Сынып үш топқа бөлінеді.
Бәйшешек тобы.
Жауқазын тобы.
Қызғалдақ тобы.

Үй тапсырмасын сұрау.

Мұғалім сөзі: Үй тапсырмасын «Сұрақты тосып ал» арқылы қорытындылау. Мұғалім сұрақ қойған кезде дәндер салынған қапшықты оқушыға лақтырады. Осылай қапшықты кезек - кезек әр топқа лақтырады. Қапшықты қағып алған оқушы сұраққа жауап береді.
1. Көктем айлары. Оларды ата?
2. Көктемде ағашта қандай өзгеріс болады?
3. Қасым Аманжоловтың « Көктем» өлеңін жатқа айту.
4. Өлеңде ақын бұлақты, өзенді, көктемгі жаңбырды қалай сипаттайды.
5. Көктемде ағашта қандай өзгеріс болады?
6. Қабыкен Мұқышевтің « Көктем» өлеңін жатқа айту.
7. Көктем саған несімен ұнайды?
8. Көктемде ерте гүлдейтін өсімдік.
9. Көктемде қандай еңбек түрлері басталады.

Тақырыпты ашу.
Бейнеролик көрсету.
Оқушылар сурет бойынша сөйлейді, тақырыпты ашады.

Жаңа сабақ. Оқулықпен жұмыс
Мұғалім сөзі.
Кіріспе. Міржақып Дулатов жайлы түсінік беру
( 1885 - 1935)- қазақтың көрнекті ақыны, қоғам қайраткері. Қостанай облысының Торғай өңіріндегі Сарықопа деген жерде туған. Ақынның «Оян қазақ!» кітабы елін еркіндікке, ғылым, білімге шақырады. Жастарды елін сүюге үндеді.

«Мағынаны таны» Жеке жұмыс. Мәтінді іштей оқу.
«Көршіңе әңгімелеп бер» Жұптық жұмыс: Оқушылар тақырып бойынша өздері білетін барлық жағдайды көршісіне айтады.
Топтық жұмыс: Мәтін бойынша постер жасайды.
Бәйшешек тобы: Наурыз мейрамына сипаттама.
Жауқазын тобы: Еркін еңбек
Баршаны жеңбек
Қызғалдақ тобы: Наурыздың бүгіні мен ертеңі. Әр топ постерін қорғайды. Топтар бірін - бірі бағалайды.
«Екі жұлдыз, бір тілек» арқылы.
Дәптермен жұмыс. Сөздік жұмыс.
Байлаулы - байланысты.
Деуге сыяды - деуге болады.
Тіршіліктің арқауы - тіршіліктің негізі.
Шаруа кенеледі - мал тойынады.

Сабақты бекіту: «Тақырыптық түйінді сөздер» арқылы болады.
Айрықша, Қыс өтіп, Түрлі - түрлі, Тіршілік, Ұлттық, Жиһаз, Ескіше, Қайраткер, Көктем, Қуанатын, Қалам, Тілектес, Астана, Ақын, Теңеледі, Суық, Шаруа, Жанды - жансыздың, Кілем, Тіршіліктің, Айдың, Тамақ, Зор, Жылқы, Ермегі, Айдап, Еңбекші, Мәдениетті, Жеңіл, Ғимарат, Құт, Көлденең, Жұт, Болмашы, Комбаин, Бұлтқа, Жарнама, Желге, Ат - арбасы, Өлең

Рефлексия: Жұмыс картасын толтыру.

Екі - үш бала жұмыс картасын оқиды.
Бағалау:
Үйге тапсырма: «Наурыз - ұлттық мейрам» деген тақырыпқа шығарма жазу

Толық нұсқасын жүктеу
Слайдын жүктеу