Математика сабағында қиындығы жоғары есептерді шығарудың тиімді жолдары

Оңтүстік Қазақстан облысы, Төлеби ауданы,
Қасқасу шағын жинақты жалпы орта білім беретін мектебінің
математика пәнінің І санатты мұғалімі
Бауыржан Есмурзаев Қуанышбайұлы

Тақырыбы: «Математика сабағында қиындығы жоғары есептерді шығарудың тиімді жолдары».
Мақсаты: Оқушылардың ғылымға деген қызығушылығын дамыту, пәндік білімін тереңдету, оқушылардың ақыл - ойын кеңейту логикалық ойлау қабілетін қалыптастыру, тақырып бойынша алынған білімдерін қиындығы жоғары есептерді шығаруда тиімді пайдалана білуге үйрету.
Сілтеме: Ж. Бейсеков «Олимпиадалық есептері» Математика в школе. Мұғалімдерге арналған нұсқаулық кітаптар.
Ғаламтор мәліметтері
Міндеттер:
1. Білімділік – оқушылардың тақырып бойынша алған білімдерін тереңдетіп, жинақтау, жүйелеу, бекіту. Шығармашылық қабілетін жоғары деңгейлік тапсырмаларды орындауға оқушының дарындық қабілетін анықтау, математикалық есептерді шығару үрдісінде оқушының қабілетін және тұлға қасиетін дамыту, оқушыны олимпиадаға дайындауда жетістікке жете алатындай деңгейде жұмыс жасау.
2. Дамытушылық – логикалық ойлау қабілеті мен дағдыларын жетілдіру, белсенділіктерін, математикаға деген қызығушылықтарын арттыру;
3. Тәрбиелік – оқуға, саналы сезімге, жауапкершілікке, өз бетінше еңбектенуге тәрбиелеу.
Күтілетін нәтиже:
1) Математикадан бұрын алған теориялық және тәжірибелік білімін тапсырмаларды орындауда тиімді қолдана алады;
2) Жүйелі қорытынды жасай біледі;
3) Қиындығы жоғары есептерді шығара алады;
4) Олимпиадалық есептерді шығара біледі.

Негізгі идеялар: «Математика сабағында қиындығы жоғары есептерді шығарудың тиімді жолдары» Қазіргі заман математика ғылымының өте кең, жан - жақты тараған кезеңі. Ал талапқа сай математикалық білім берудің басты шарты математикалық мәдениеттің деңгейін көтеру болып табылады. Математикалық есептерді шешу, теоремаларды дәлелдеу оқушылардың ойын оятып ойлау, есте сақтау қабілеттерін дамытуда, батыл қимылдар жасауға, шығармашылық ізденіске тәрбиелейді. Оқушылардың математикалық сауаттылығын арттыру – олардың алған білімінің тиянақты болуын қамтамасыз ету. Сондықтан оқушылардың математикаға дайындығын жан - жақты жетілдіру – қазіргі аса маңызды міндеттердің бірі. Оқушылардың логикалық ой - өрісін арттыруда, оларды математикаға қызықтыруда олимпиадалық есептерді шығару сабағын өткізудің маңызы зор.
Математикалық есеп – оқушылардың ұғымдарды, теорияны және математика әдістерін меңгерудің тиімді де, айырбасталмайтын құралы. Оқушылардың ойлау қабілеттерін дамытуда, оларды тәрбиелеуде, біліктіліктері мен дағдыларының қалыптасуына математиканың практикамен байланысын көрсетуде есептің маңызы зор. Есеп шығару - ой жұмысы. Ой жұмысы арқылы оқушылар дербес ойлауға, қорытынды шығарып, математикалық ақиқатты көре білуге, дәлдікке үйренеді.
Сабақтың түрі: Жаңа сабақ.
Сабақтың әдісі: Сұрақ - жауап, есептер шығару.
Сабақтың көрнекілігі: интерактивті тақта, дербес компьютер, кеспе қағаздар

Жоспары

I) Үй жұмысын тексеру
II) Сұрақ жауап әдісі
III) Ой қозғау стратегиясы
IV) Жаңа тақырып түсіндіру
V) Есептер шығару
VI) Тест тапсырмалары
VII) Үйге тапсырма

ІІ. Сұрақ - жауап әдісімен сабақ мазмұнын сұраймын (Өтілген тақырыптар бойынша жауап беру арқылы жарысады)
1. Теңдеу дегеніміз не?
2. Теңдеудің қандай түрлерін білесіңдер?
3. Квадрат теңдеудің жалпы формуласы, шығарылу тәсілдері
4. Дәрежесі жоғары теңдеулер қандай теңдеулер
5. Дәрежесі жоғары теңдеулерді шешудің жолдары.

ІІІ. Қызығушылық ояту сатысы: « Ой қозғау» стратегиясын ұйымдастыру.

IV. Жаңа сабақ
Мұғалімнің кіріспе сөзі: Теңдеу деп белгісіз айнымалысы бар алгебралық өрнекті атаймыз. Теңдеулердің түрлері сан алуан - сызықты, квадраттық, тригонометрикалық, логарифмдік және тағы да сол сияқты.

Теңдеулерді шешудің тиімді тәсілдері: жаңа айнымалы енгізу арқылы, квадрат теңдеуде қолданылатын әдістер, қысқаша көбейту формулалары, теңдеуді бөлімдерінен босату, Формулаларды қолдану, бірнеше түрлендірулерді қолдану т. с. с.

V. Есептер шығару
1 - есеп Теңдеуді шешіңдер

Толық нұсқасын жүктеу