Бикеш

Бикеш жұлдызына мінездеме
Бикештер – табиғатынан ұқыпты. Бұл жұлдызда туған жанның үйіне кіріп келгенде, ең алдымен рет-ретімен орналастырылған заттар, ұқыпты тазартылған үйі іші назарыңызды аударады. Сонымен қоса тағы бір қасиеті: бикештер бір минут та бос отыра алмайды.

Егер бикеш жұлдызында туған досыңыз немесе таныңыз болса, оларды білесіз деп ойлаймын. Бикеш сізбен әдемі әңгіме-дүкен құра отырып, ыдыс-аяқтарын жуа береді немесе жуылған жаймаларды үтіктеп, еденнің шаңын тазарта беруі мүмкін. Алайда, сіз оған таңданысыңызды білдірсеңіз, ол жауап ретінде: мен ешнәрсе жасап жатқаным жоқ,- деп өзіңізге таңдана жауап қатуы мүмкін. Өмірдің барлық салаларында тәртіп орнату оның қанында сондықтан, ол тіпті байқамайды да.

Бір орында отырып, дүнияуи әңгімелер тыңдауға шыдамы жетпейді, бұл жұлдызда туғандар үшін ол азаптаумен бірдей. Мерекелік тойлау, бос әңгіме Бикештерге тым ұнамайды, егер баруға мәжбүр болса, ол өзіне жайсыз жиыннан құтылу үшін шұғыл шаруаны сылтау етіп, тезірек кетіп қалудың жолын қарастырады. Бірақ, еңбекқор Бикештердің шаруасы шыныменен көп.

Ауру туыстарының күні-түні жанынан табылатын, қиындықта демеу болатын, үнемі пайдалы кеңесімен бөлісетін, әріптестеріне қолдау білдіретін – осының бәріне артық сөз айтпай көмекке келетін бұл кім? Әрине, жанашыр, еңбекқор және ұқыпты – Бикеш.

Бикеш сырт көзге байсалды көрінгенімен олар терең сезімге қатты беріледі, алайда оны көпшілік назарынан тыс, жасырын ішінде сақтайды. Сонымен, Бикеш өзін тамаша ұстай біледі, оның келеңсіз эмоциясы қайнау шегіне дейін жетпейді яғни арты жанжалға ұласпайды.

Үйде ол ұқыптылық пен тазалықты талап етеді, тіпті ең ұсақ мәселелер олардың наразылығын туғызады егер ашулануы «үтіктен шығатын бу» секілді, алайда ол өзі сынды мүлде көтере алмайды.

Сол себепті де қатаң талап қоюшы Бикештің айналасындағылар үшін, үнемі оның қасында болу оңайға соқпайды. Оның өмірінің барлық салаларында – жұмыста, махаббатта, достықта кез келген шаруашылықта талғампаздық пен тиянақтылықты ту ғып ұстайды.

Асығыс тамақтана салу, кез келген киімді кие салу, жеңіл жүріс Бикештерге тән қылық емес. Оның үйі жалтырап тұрғандай киген киімі де, ажары да жарқырап тұруға тиіс деп есептейді.

Өзгелерге көмек қолын әрдайым созатын Бикештер ешкімге борышты болғысы келмейді. Олар «ауыр күндер» үшін – деп қор сақтауды әдетке айналдыруынан ешкімге тәуелді болмауды қалайтынын анық аңғаруға болады. Қорға әжептеуір қаржы қалдыруды көздей отырып, жоспарсыз шығын, кейбір қуанышты ләззаттан бас тарта отырып, тақуалыққа сай өмір салтын ұстанады.

Өзі аздаған қаржысын тиыннан үнемдеп отырса да, егер жақындары немесе досы қиындыққа тап болса, ойланбастан көмек береді.
Басқаратын ғаламшары – Меркурий, Құдай мен адам арасын дәнекер - Бикеш басқалар үшін қызмет етеді. Табиғат күші – Жер – талғампаздық пен тиянақтылықты білдіреді.

Еңбекқор да жанашыр, ұқыпты да тәуелсіз, парасатты да ақылды, Бикеште – жасанды қасиет жоқ.
Еріншектік, жалқаулық Бикештің табиғатында жоқ қасиет, сондықтан еңбек жолындағы ерлігі күн өткен сайын табиғи және байқаусыз өмір бойына жалғаса бермек.

Басқа белгілерді қарау