ойын сауық отауы
Қай гүлді кімге сыйлау керек?
31.10.2020 1 991 0 Admin

Қай гүлді кімге сыйлау керек?

Бұл қызықты
Білгенге – маржан
Қай гүлді кімге сыйлау керек?
Сіз гүл сыйлағанда гүлді дұрыс таңдай аласыз ба? Әр гүлдің өзінше тілі болады. Кімге қандай сезім білдіргіңіз келеді соған байланысты гүл таңдаңыз.
Азалия (декорациялық өсімдік) — нәзік, адал, тұрақты әйелдерге тән гүл. Бұл гүлді сіз өзіңіздің сүйік­­тіңізге, мені күтуге дайын бол деген оймен сыйлады деп тү­сінеді. Себебі ер адам бұл гүл­ді қызға сый­лағанда ол өзі үшін қайталанбас, ерекше адам екендігінен хабар береді.
Мамыргүл — акация (ақ гүлді, хош иісті ағаш) — жасырын ма­хаббат.
Кептірілген гүлдер шоғыры — жауапсыз махаббат. Қаламайтын адамыңыз мазаңызды алса, оған осындай гүл шоғырын сыйға тарт­саңыз, өзіне көңілі толмайтын­дығын бірден түсінеді.
Гардения — жасырын, тылсым махаббат, сен көріктісің деген ма­ғынада сыйланады.
Қалампыр гүл — абырой, намыс мағынасын береді. Әйел­дерге тән махаббат белгісі. Қалам­пырдың әр түсі әртүрлі сыр береді.
Мысалы: ақ қалампыр – ол біреуге армандаған арманына жетуге тілек тілеу мағынасында. Сізге ақ қалам­пыр сыйлаған адам сізді өте по­зитивті адам ретінде қабылдайды. Ал сары қалампыр сыйға ал­са­ңыз сізді ол адамға сеніммен қа­рауыңызға шақырғанының белгісі.
Қызыл қалампыр сыйға тартса онда жеңіс пен табыс сіздің жағы­ңызда дегенді білдіреді. Қызыл қалампыр шоғырын көбіне сыйлы, құрметті немесе бастығыңызға сыйға тартқан абзал. Сүйіктіңізге де қызыл қалам­пыр аралас гүл сыйласаңыз болады.
Күлгін қалампыр гүлі ол ана махаббатының белгісі. Шетелдерде күлгін түсті қалампырды аналар күніне сыйлайды.
Сүмбіл гүл (Гиацинт) — бұл гүл­дің қандай түрін сыйлағанына қарай да бөлінеді. Дегенмен, мұн­дай гүл сыйлайтын адаммен өмірі­ңіз ашық та, жарқын болары сөзсіз. Егер алған гүліңіз ақ сүмбіл бол­­са онда ол тұрақтылықтың бел­гісі. Мен сенің тұла бойыңа тәнті­мін, өмір бойы сен үшін тілек тілеймін дегенді білдіреді.
Гладиолус — бұл гүлді сыйға тартқан адам батыл әрі сенімді серік десе де болғандай.
Глоксиния — бір көргеннен ғашық болуды білдіреді.
Шығыс гүлі (Гортензия) — мені есіңде сақта деген мағынаны біл­діреді. Әрқашан үміт пен ұяңдық қатар жүреді. Халық арасында осы гүлдің ауру мен бақытсыздықты алас­­тауға әсері бар деп те айты­лады.
Ақтамақгүл — Жасмин (хош иісті, көрікті, ақ гүлді бұта) — сезім­талдық пен әйелге тән нәзік­тіктің символы. Үнділіктер жас­мин­ді махаббаттың жарық жұл­дызы деп атайды.
Лаванда — бұл гүлді сыйлағы­ңыз келген жанды ешқашан ұмыт­пайтындығыңызды айтқыңыз келетіні айқын. Ал гүліңіз ақ түсті болса, арман - тілектің орындалуы.
Лалагүл (лилия) – бұл гүлді көне римдіктер байлық пен қазынаның белгісі ретінде бағалап, тіпті оны тиындарының бетіне түсірген.
 Ал көне Египетте дүниеден ерте қайт­қан қыздың денесін осы гүлмен көр­кемдеген екен. Германиялық­тардың сенімі бойынша, бұл гүл өзін - өзі өлтірген немесе қастан­дықпен өлтірілген адамның мүр­десінде өседі деген сенім бар. Француздар болса лалагүлді өте жақсы көреді. Оған дәлел – Фран­цияның көне елтаңбасы. Егер осы елге барғаныңызда сізге лала гүл сыйласа онда сізге де құрметі деп қабылдағаныңыз жөн.
Ақ раушан — кіршіксіз таза­лық­тың белгісі. Сонымен бірге құпия сырлы адамдарға тән.
Сары раушан — бақыт, қуаныш. Егер қызыл раушан гүлімен сары раушан аралас сыйланса әдемілік пен құштарлық қатар жүреді.
Қы­зыл раушан гүлі махаббат, жүректегі сезімді білдіреді. Тойға сыйланатын раушан гүл бақытты махаббаттың белгісі. Біз әрқашан біргеміз.
Бөртегүл (Сирень) — әдемілік пен махаббаттағы бірінші сезім айту сыры. Сирень ақ болса бірін­ші махаббат, күлгін болса махаб­баты жайында сыр ашу, сезімін біл­діру, күлгін сирень менің жүре­гім саған аманат деген мағынада.
Қызғалдақ (Тюльпан )— мұндай гүл таза махаббаттың символы. Сары түсті сенің күлкің күлген күн­дей сыңғырлайды деген мағынаны білдіреді. Қызыл түс – өз сезімін сүйіктісіне түсіндіру, сезімін жет­кізу. Ежелгі Шығыста гүлдің түсін жылдың мезгіліне сай таңдаған — солғын түсті гүлдерді — қыстың күндерінде, ақшылдарын — күзде, көк гүлдерді көктемде және қызылдарын жазда сыйлау дәстүрі болған.

әзірлеген
Бегімхан КЕРІМХАНҰЛЫ
М. Әуезов атындағы ЖОББ мектептің қазақ тілі мен әдебиеті мұғалімі
Павлодар қаласы
Қазақстан Журналистер Одағының мүшесі

Гүл туралы мақал - мәтелдер Гүл туралы мақал - мәтелдер
Бір гүл толып ашылады, Бір гүл солып ашылады.
Махаббат па, махаббат болған менде… Махаббат па, махаббат болған менде…
Махаббат – ерекше сезім, ғажайып құбылыс, жұмбақ нәрсе. Кімге қалай, қашан келетінін білмейсің. Алайда, жер бетіндегі бар адам соны күтуде,
Махаббат – адамға күш береді Махаббат – адамға күш береді
Махаббат – адамға күш береді, Әйелді – әдемі етеді. Еркекті – мейірімді етеді, Жүректі – жеңілдетіп, Өмірді – әдемі етеді!
Жүрсем деймін көңіл шат, гүлді алаңдай Жүрсем деймін көңіл шат, гүлді алаңдай
Жүрсем деймін көңіл шат, гүлді алаңдай, жанарыма, жаныма мұң қамалмай. Жақтырмайды біреулер, менің үнім желкесін тырнағандай.
Күн ауысып барады Күн ауысып барады
Күн ауысып барады түнге қарай, Шығыста - кеш, Батысқа - кірген арай. Күн шыққан жерден әркез түн келеді, Маған солай, білмеймін, кімге қалай.
Гүлдер туралы не білеміз Гүлдер туралы не білеміз
Қыз - келіншектер қауымы сыйлықтардың ішінде қош иісті гүл шоқтарының орын ерекше екені құпия емес. Алайда гүл шоқтарының арасынан өзіңізге керегін
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×