ойын сауық отауы
Үй – іші, отбасы туралы мақал-мәтелдер №2
29.03.2017 3 913 0 Дауыл

Үй – іші, отбасы туралы мақал-мәтелдер №2

Мақал-мәтелдер
Ұл таппас қатын болмас,
Тұрарын айт.
Мал таппас жігіт болмас,
Құрарын айт.

Жақсы әйелдің қолы ұзын,
Жаман әйелдің тілі ұзын.

Олақ қатынның пісірген сүті іріп кетер,
Илеген терісі шіріп кетер.

Жалқау қатынның төсегі
Тал түске дейін жиылмас.

Бардың қатыны өлсе,
Төсегі жаңғырар.
Жоқтың қатыны өлсе,
Басы қаңғырар.

Қатының жақсы болса – шырағың,
Атың жақсы болса – пырағың.

Қатын мен қатын
Құдық басында кездесер.
Су мен отын
Ошақ басында кездесер.

Қарыздан да қатын ал,
Қатының қалар жаныңда.

Әйел – үйдің ажары,
Бала – үйдің базары.

Екі қатын алғаның –
Өзіңді отқа салғаның.

Ұрыспай айрылған
Ұялмай қосылар.

Аш итке ас берсең,
Анаңа тартқаның.
Жаяуға ат берсең
Атаңа тартқаның.

Аты шабан болса,
Қатыны жаман болса,
Жігіттің көрген күні құрысын.

Қасық асым –
Қайғысыз басым.

Қатыны би жігіттің
Қайын елі қадірлі.

Екі жарты – бір бүтін,
Ерлі - қатын – бір түтін.

Еркек дауысты әйелдің ісі болмас,
Қатын дауысты еркектің күші болмас.

Бір қатын тамағымен тойғызар,
Бір қатын қабағымен тойғызар.

Қатыны өлген
Қызды ауылға қарап жылайды.

Тоқал байғұс тоғына мәз,
Бәйбішенің жоғына мәз.

Салақ қатынның етін құрт жейді,
Терісін ит жейді.

Қартая келгенде,
Қатын жақын болады.
Күшің басым болса,
Жатың жақын болады.

Сараң қатын
Майын тығумен құртар.
Жаман қатын
Кірін сығумен жыртар.
Мағыналы сөздер Мағыналы сөздер
1. Кербез қыз қартайғанын сезбейді. 2. Жақсы әйелдің баласы да күтулі, жұмысы да бітулі. 3. Әйелін сыйлаған, үйін сыйлаған, елін де сыйлай біледі.
Біле жүріңіз! Біле жүріңіз!
Жақсы әйел теңі жоқ жолдас, түбі жоқ сырлас.
Қатындар... Қатындар...
Қатын барда, әнде күйде төгілген Қатын барда еркек сорлы семірген. Қатын қанша нәзік, әлсіз болса да, Еркек байғұс қатындардан жеңілген...
Үй – іші, отбасы туралы мақал - мәтелдер №1 Үй – іші, отбасы туралы мақал - мәтелдер №1
Еріншек қатынның Етегі жыртық. Ерке қатынның Ерні тыртық.
Қара қатынға Қара қатынға
Қара қатын дегенге, қара қатын, Үзіп - жұлып алып жүр қанағатын. Ала жаздай байың кеп бір жатпайды, Қазақтың не қыласың шарағатын1.
Үй іші - семьяға байланысты мақал - мәтелдер Үй іші - семьяға байланысты мақал - мәтелдер
Үй іші - семьяға байланысты мақал - мәтелдер

Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×