ойын сауық отауы
Халқыма хат
22.09.2016 3 213 0 Дауыл

Халқыма хат

Өлеңдер
Мұқағали Мақатаевтың өлеңі

Сыйың мен құрметіңе қарамай - ақ,
Ауылыңнан аттанып ем жалаң - аяқ.
Ақсақал, ақ емшегің болғанымен,
Өсіп ем ақымақты итке баламай - ақ.

Мен сенен әрқашан да алыс кетпен,
Таныс қыстау, таныс шал, таныс кетпен.
Айраныңды күбіңе жасырып қап,
Сен маған «тағы іш» деп пе ең,
«тағы іш»деп пе ең.

Бөтелкеден күбің ғой артық маған,
Дәм татуға патша да ар тұтпаған.
Бір тостақ іркітіңді жібермесең,
Мен мына өмірімнен қорқып барам.

Тамұққа барады алып мына құрғыр,
Құлауға пәс - ақ қалып тұрағым тұр.
Қуанып өтем бе деп келіп едім,
Түн сайын оңашада жыладым кіл.

Жұртым - ау, жылаудың да себебі бар,
Неге сонша алдымнан келеді жар?
Сен келіп селбеспесең, қайран жұртым,
Сенделіп екі ортада өледі жан.

Ажыратсам деп едім ақ, қараны,
Ылғи көрем езу мен таптағанды.
Күйзеліп таң атқанша таңды күтсем,
Ойпырм - ай, таңның өзі қап – қараңғы!

Маңғыстау облысы,
Бейнеу ауданы, Боранқұл селосы,
Опорный орта мектебінің
3 «ә» сынып оқушысы Дарханқызы Айерке.

Қайран менің өз үйім Қайран менің өз үйім
Дүниенің байлығы - Азаматтың аманы, Ауырған тәнге бәрібір Сыр қостың жақсы - жаманы.
Сағыныш Сағыныш
Ақсақал амансыз ба, аталарым, Бар болса, кешіргейсіз қаталарым. Аман - сау тағы оралып келді балаң, Қабыл боп қалыс - дұға баталарың.
Қарасаз Қарасаз
Мен бақыттымын, Бақытты жерде туылдым. Айналайын Қарасаз, Қасиетінен суының!
Түсінбеймін Түсінбеймін
Біле алмаймын, білмеймін, түсінбеймін, (Түсінбесең, түсінбе, түсін мейлің) Қуанып көктен ырыс құйды екен деп, Қолымнан тостағымды түсірмеймін.
Несіне ойланасың Несіне ойланасың
Несіне ойланасың, Несіне қиналасың, Қайтесің, Бір жылы сөз қимағасын? Атаң қазақ ескерткен әлдеқашан, Ешкімде сыйламайды сыйламасаң!
Жылдарым менің, жылдарым Жылдарым менің, жылдарым
Жылдарым менің, жылдарым Жазылмай қалған жылдарым. Айтылмай жүрген сырларым, Ақтармай жүрген мұңдарым, Жылдарым, қайран, жылдарым.
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×