Орашолақ

Ескен Елубаевтың өлеңі

Мынау біздің Доңқабақ
Шеберлігі ұстады.
Дәу пышақпен жаңқалап,
Қарындашын ұштады.

Әдемілеп,
Сүйірлеп,
Шығармақшы ұшын ол.
Терлеп – тепшіп, күбірлеп
Беріліпті ісіне ол.

Енді ұштала бергенде
Ұшы бырт - бырт сынады.
Ызақорын көрдің бе:
- Өтпейді,- деп жылады.

Әй, шебер боп жарытпас,
Қолын кесіп алыпты.
Сына – сына қарындаш
Бір тұтам боп қалыпты.

Маңғыстау облысы, Бейнеу ауданы,
Боранқұл орта мектебі
Маханұлы Қуаныш
Мұғалімі: Мендигазиева Гүлжихан

Ескен Елубаевтың басқа өлеңдері