ойын сауық отауы
Нұр
26.09.2016 4 115 0 Дауыл

Нұр

Өлеңдер
Қадыр Мырза Әли өлеңі

Шалғайын шалқар малшыған
Бұлт келді,
Көктен кір кетті.
Топырлап ұрған тамшыдан
Топырақ иісі бұрқ етті.
Шілде мен тамыз нышаны
Шаң ғана болса,
Қалдырма.
Терезелер де құшағын
Түгелдей ашты жаңбырға.
Бақтың да шөлі қанады,
Бақшаның дәмін жеп көрдім.
Жүздері жайнап қалады
Жауыннан кейін шөптердің.
Кебуге кейін дап - дайын
Кіреді - ай жаны тастың да.
Арудай болар ақ қайың
Ақ жаңбыр душтың астында.
Көңілдің ұзақ мұң басқан
Құлпырар сәтте гүлдері.
Мереке жерде Аспанның
Мейірі жауған күндері!

ШҚО, Тарбағатай ауданы, Тұғыл ауылы,
Ш. Уалиханов атындағы орта мектептің
11 сынып оқушысы Шағыманов Дарын

Мамыр Мамыр
Адам үшін жұбаныш Мамыр келді шуақты. Күннің ішін қуаныш Кернеп тұрған сияқты.
Ақтарылып бағайын Ақтарылып бағайын
Ақтарылып бағайын, Аңғарғайсың бар мәнін: Айныса да ағайын, Айнымасын арманың!
Өз үйің Өз үйің
Өз үйіңде бір сәт тыным таппайсың, Бірде жуып, Бірде сырлап, Ақтайсың. Өз үйіңе, керек болса, киізсің, Өз үйіңе, керек болса, тақтайсың.
Ғашықтық жайын қозғама Ғашықтық жайын қозғама
Ғашықтық жайын қозғама, Қозғауды мақұл көрмес ем, Ол жайлы саған боз бала, Білгенмен ақыл бермес ем!
Шындық Шындық
Ақындық шығар айыпты, Әлі білмен себебін. Өлеңге айтып қойыппын Өмірдің айтпа дегенін.
Бір үзім нан Бір үзім нан
Жал - жая ма? Қадірлеген атамыз. Коньяк па? Аздап дәмін татамыз. Бәрін қойып дастарханға, О тоба! Нан қоюды ұмытып кетіп жатамыз.
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×