26.10.2016 5 336 0 Дауыл

Атамекен

Өлеңдер

Қасым Аманжолов өлеңі

Атамекен
Сүйем сені туған ел - атамекен,
Абзал анам сенсің ғой құшағың кең.
Жер мен көктің жаннаты бір өзіңсің,
Сенен артық не табам, қайда кетем.
Іздеймін деп «Жерұйық», желдей желген
Асанқайғы емеспін, Қасыммын мен.
Қорқыт та емен елсізде, көр басында
Қобызымен сырласып күңіренген.
Ерке жанмын, өмірде өстім еркін,
«Еркелеме, ей, жігіт, еспе» дер кім?!
Өз елімде өзендей гүрілдеймін,
Тасып, шалқып өтемін - осы сертім.

ШҚО, Тарбағатай ауданы, Тұғыл ауылы,
Ш. Уалиханов атындағы орта мектептің
9 сынып оқушысы Рашитова Рашиля

Оқи отырыңыз

Жаз көңіл

Жаз көңіл жарқылдаған бұл бір шағым, Жаныма дарытпаймын дүние шаңын. Әніммен қарсы аламын әрбір күнді, Жайғандай ерке нәзік жар құшағын.

Дауыл

Ышқына соққан дауылға Құмартушы ем жасымда. Нөсерлеп құйған жауында Қызығушы ем жасынға.

Құз

Қабағын түйіп құз тас тұр Төңірегіне парық caп. Шыңында шулап құстар жүр Айнала ұшып шарықтап.

Қарағанды

Бір жер бар Қазақстан даласында, Құрбыжан, апарайын, барасың ба? Арқаға Алатаудан ақиықтай Бір ұшсам, болат топшым, таласың ба!

Қарашаш

Институтта жүр оқып Қазақ қызы Қарашаш. Оқы, оқы, қарындас, Туған елге білім шаш.

Орал

Оралым, шықтың алдымнан, Оралым менің, Оралым! Қол созып қызыл вагоннан, Үстіңнен өтіп барамын.