ойын сауық отауы
Туған жер - ай, күнім де, дінім де сен. Қадір Мырза Әли өлеңдері
05.09.2018 8 231 0 Дауыл

Туған жер - ай, күнім де, дінім де сен. Қадір Мырза Әли өлеңдері

Өлеңдер
Қадір Мырза Әли өлеңдері

ТУҒАН ЖЕР - АЙ, КҮНІМ ДЕ, ДІНІМ ДЕ СЕН
Туған жер - ай, күнім де сен, дінім де сен,
Тағдыр сендей сүйсе, сүрінбес ем.
Керегі жоқ басқа атақ,
Басқа абырой,
Жетіп жатыр тек өзің ұлым десең!
****
АУЫЛДАҒЫ АЛҒАШҚЫ КҮН
Туған жерде бақыт деген бар құсың.
Туған жерсіз – бейшарасың,
Жарлысың.
Аңсаудайын аңсап келдім алыстан.
Ауыл - ана, аманбысың,
Армысың?!
****
ҰЛЫ МАХАББАТ
Сусын қылар үмітін шөлдегенде
Осы жерге перзентсің сен де,
Мен де!
Барлығын да сүйемін,
Сөйте тұра
Махаббатым ерекше ел дегенде!
О дүниеге жер аудар!
Көшір мейлі!
Көшір мейлі!
Өмірден өшір мейлі!
Кешіремін,
Әйтсе де елім жайлы
Жаман айтқан сөзіңді кешірмеймін!
****
ТУҒАН ЖЕРДІҢ АУАСЫ
Туған жердің ауасын
Сағынамын мен тегі.
Үлкен түгіл, баласын,
Момын түгіл, тентегін.
Қайың түгіл, қаңбағын,
Қырат түгіл, обасын;
Шалғын түгіл, шаңдағын,
Құрақ түгіл, қоғасын;
Белес түгіл, елесін
Самал түгіл, дауылын;
Түсіме көп енесің,
Айналайын ауылым!
Туған жер, Отан туралы өлең шумақтары Туған жер, Отан туралы өлең шумақтары
Шықшы тауға, қарашы кең далаңа, Мәз боласын ұқсайсың жас балаға. Ол шеті мен бұл шетіне жүгірсең, Шарсайсың ба, құмарың бір қана ма?
Туған жер туралы өлең шумақтары Туған жер туралы өлең шумақтары
Ақын боп, азамат боп Отан — Ана, Өзіңнен қайта тудым осы арада. Жер түгіл, айды айналып күнді құшсам, Жаныма мұнша шаттық қоса ала ма.
Туған ауыл Туған ауыл
Мен туған ауыл – Ай мекен, Еске алмай жүрер күнім кем. Баяғы достар қайда екен, Бірге ойнап, бірге жүгірген?
Батпақ Батпақ
Батпақ емес жай ғана Бұл араның батпағы, Жүре алмайды тайғанап, Адам түгіл, ат - тағы!
Дәрігеріме Дәрігеріме
Керегі жоқ, Керегі жоқ, Керегі жоқ бәрінің! Иненің де керегі жоқ, Керегі жоқ дәрінің! Кетсем егер, пленканың үзілген бір әнімен, Қалсам егер, қара
Түркістандағы тау Түркістандағы тау
Біздің елде, заманында әлем назар аударған Өзге түгіл өз ұлтынан шеттетілген таулар бар. Соның бірі сенің аға - қазағымның нар тауы Дәуірінің өр

Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.