ойын сауық отауы
Алатауда
01.06.2016 2 468 0 Дауыл

Алатауда

Өлеңдер
Мағжан Жұмабаев

1. АЛАТАУ
Иір-иір Алатау
Бұйра-бұйра жал ма екен?
Қарасам көзім талады-ау
Қияңа, асқар Алатау.
Бөлек-бөлек бала тау
Етекте шөккен нар ма екен?
Желкендегі, ару Алатау,
Жауһардан тізген жал ма екен?

2. ҚҰЗДАР МЕН ҚЫЗДАР
Алатаудың құздары
Аспанның сырын ұрлайды.
Жылытып жырмен мұздарын,
Күңірентіп таудың құздарын,
Қырғыздың ару қыздары
«Зекенбайды» ырлайды.
Алатаудың құздары
Қырғыздың сырын ұрлайды.

3. ҚОҚИ МЕН ҚАРТОЗ
Тұлымдары сүліктей
Селкілері бар болсын!..
Едірейіп еліктей,
Селкілері сүліктей.
Қоя-ақ қойды елікпей,
Көрініп қоқи қартозын.
Сымбаттары сүліктей,
Селкілері бар болсын!

4. ТАУДЫҢ ТОЛҒАУЫ
Ай шырайлы аяшың
Күл болып күйіп, солмасын.
Бозаға толып шанашың,
Күл болып күйіп аяшың,
Семетей менен Манасың
Қысыр бір қисса болмасын.
Айшөректей аяшың
Күл болып күйіп, солмасын.

5. ҮЙДІҢ ЕРІ
Тырнала, қырғыз, танабың,
Ел болмайсың оқымай.
Мола жұтсын манабың,
Тастапсың адыра танабың,
Боза бопты шалабың.
Атаң көрі, қоқи-ай...
Тырнала, қырғыз, танабың,
Ел болмайсың оқымай.

Тау туралы мақал - мәтелдер Тау туралы мақал - мәтелдер
Тау туралы мақал - мәтелдер Таулы жердің қыраны көп Асқар тау алыстан көрінеді. Асқар таудай алып бол, Әппақ күндей жарық бол.
Ақиқат пен өтірік Ақиқат пен өтірік
Ақиқат пен өтірік - бөлек бесік, Ар - ожданға жүрсек те көмектесіп. Ажыратып болмайсың ақ - қараны, Адамдардың өмірге көп өкпесі.
Қаныш бай қиссасы Қаныш бай қиссасы
Ұнар, ұнамасын қайдам, Қисса айтайын Қаныш байдан - Дорба сақал, тырбық тапал,
Қырғыз, қазаққа Қырғыз, қазаққа
Арқар менен құлжадай Қойындасқан ежелден. Екі тентек тетелес Сойылдасқан екі елден.
Сұр құлын Сұр құлын
Жазды күні сұр құлын Сұлу еді сүліктей. Құрық көрсе, құлдырап, Жатушы еді еліктей.
Жер жүзін топан басса екен Жер жүзін топан басса екен
Жер жүзін топан басса екен! Асқар таудан асса екен! Таудай толқын құтырып, Улы көбік шашса екен!
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×