Мен енді қайтемін?

Мен енді қайтемін?
Айт, емін!
Жалыны жоқ күндерді
Сабырыммен сынап ап,
Мінезіммен өртеймін.
Ертеңім?
Көркем үн келер ме қайтадан?
Мен қалай жай табам?
Тек бізге арналған ортақ ән
Ол әнге басқамен
Қалайша жол табам?
Жол тарам...
- Бітті ме?
Білмеймін.
Жаңбырдан соңғы шыққан күндей,
- Жайсыздау ыстық па?
Күнгейдің
Күйдіріп аптабы,
Селдір тартып, сарғая қалды,
Сенсіз әлемнің бақтары.
Күл, мейлің!
Бір қызар, бір бозар,
Өмір соған назар салып жатпады.
...Мәні кетіп, жоғалуда
Сен жолдаған махаббаттың хаттары.
-  Қалай болды?
Бар ма екен бір ақпары?
- Қимас шақтың толқынында тербеліп,
Көңілсіздік қапқаны.
- Қалай екен жағдайы?
- Сырқаттанды деп естіп ап,
Менің жолым емес, бірақ,
Сұрау сендік хал-жайды.
Енді, қазір хабарласу -
Маған, әсте болмайды.
...Иәә, болаады,
Бірақ, сезімдердің қамалын
Ортақ қылып, теңдей етіп салады.
Бір жүректен бір
Немесе екі қабырға
Қалай қамал болады?
Төзімім таусылып барады.
Болды.
Енді, нүктені қоятын уақыт та жетті.
Ех, махаббат қамалы...
Маған орындалмайтын арман ба ең?
Тынымсыз ойлармен,
Осындай хал-дәрмен.
Ал, сен ше?
Сен мені қолдар ма ең?
Жүрілген жолдармен,
Көз таныс жандармен,
Бейтаныс есікке бара жатырмын,
Мені сүйетін де, сүймейтін де жандармен...
Жол - көрген,
Бұл - дәурен,
Әәй, әурем...

Авторы: Тамаша Қойшыбайтегі Омарқызы