ойын сауық отауы
Сары шымшық
06.06.2016 3 378 0 Дауыл

Сары шымшық

Өлеңдер
Ахмет Байтұрсынов

Мақтанып сары Шымшық шалқып - тасты,
«Теңізді өртеймін!» деп лақап шашты.
У - шу боп, бұл хабарды естіген соң,
Теңізді тастап, құстар үркіп қашты.
Таң қалып, «тамашаны көреміз» деп,
Алыстан андар келді әдейі іздеп.
Адам да түс - тұс жақтан келе жатыр
Лек - лек боп, топ - тобымен мыңдап, жүздеп.
Есепсіз теңізге көп халық келді,
Шымшық «теңіз өртейд!» деп нанып келді.
Балық жеп, сорпа ішіп тойынбаққа,
Аш пенен көбінесе арық келді.
«Бір соғым пұлсыз астан» дейтіндер де
Қасығын қолдарына алып келді.
Үңіліп, суда болып назарлары,
Сыйып тұр жағалауға азар бәрі.
Теңізді жанады деп кім естіген?
Көрмекте соны жұрттың ынтызары.
Сары Шымшық мақтанды ма, ойнады ма,
Кім білсін, күйдірем деп ойлады ма?
Теңізге от салғанмен, жана қоймас,
Десеңші: «Тым болмаса, қайнады ма?».
Ол теңіз, күймек түгіл, қайнаған жоқ,
«Жұрт неге келді» деп те ойлаған жоқ.
«Қап, бәлем, тоқтай тұр!» - деп Шымшық қайтты,
Теңізге тісін басып қайраған боп.
* * *
Кейбіреу қолдан келмес істі ойлайды,
Мақсаты оныменен тұс болмайды.
«Ұялған тек тұрмайды» деген рас,
«Қап, бәлем, тоқтай тұрмен» жұртты алдайды.
Ахмет Байтұрсынұлының өлеңдері, өмірбаяны
Астанаға ақпан келді. Танакөз Толқынқызының өлеңдері. Астанаға ақпан келді. Танакөз Толқынқызының
Астанаға ақпан келді, Әлеміме сен келдің.
Сабырлық Сабырлық
Бір патша шеттен әкеле жатқан бір құлымен кемеге келіп отырды. Құл бұрын теңіз көрмеген, кеме азабын шекпеген еді. Сабыр ете білмеді. Қатты жылап,
Көктем келді гүл алып Көктем келді гүл алып
Балалар - ау, балалар! Шақырады далалар. Көктем келді гүл алып, Құстар келді жыр алып.
Партияшыға Партияшыға
Бай едің өз алдыңа шаруа баққан, Шалықтап, шалқып сөйлеп, шалқақ қаққан Ойладың, осы малдың арқасында Мен-дағы атансам деп бір жез таққан.
Зоопаркте Зоопаркте
Тал өсіп тұрушы еді ақ бастауда, Ақ шымшық қонатұғын ақбас талға. Аңырып, шуылдасып қалатынбыз, Ақ тұйғын ақ шымшықты ап қашқанда.
Шымшық пен көгершін Шымшық пен көгершін
Бір Шымшық торға түсті соры қайнап, Барды ма, кім біледі, ажал айдап. Бәлені қаза менен қайда деме, Ғаріп боп, отыр сорлы көзі жайнап.

Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×