01.05.2016 1 569 0 Дауыл

Жылқышының үйінде

Өлеңдер

Мағжан Жұмабаев

- Түн түнерді, ұйықтады ауыл,
Сорлы, бейбақ, атаң қайда?..
- Боран мынау, туды дауыл,
Апатайым, атам қайда?..
- Сорлы, бейбақ атаң қайда?
Көр үңгірді боран көмді!..
- Апатай - ау, атам қайда?
Әйнек сынды, білте сөнді...
- Көр үңгірді боран көмді,
Көмді ме екен атаңды әлде?..
- Әйнек сынды, білте сөнді,
Сөнді ме екен атам да әлде?..
- Көмді ме екен атаңды әлде?
Қалқам, қандай күйге түстік?..
- Сөнді ме екен атам да әлде?
Апа - ау, мұнша жасың ыстық!..
- Қалқам, қандай күйге түстік?
Жаным - жара, көңілім - қаяу!..
- Төкпеші, апа, жасыңды ыстық!
Байқашы өзің: боран баяу!
- Жаным - жара, көңілім - қаяу,
Аман ба екен бейбақ атаң?
- Жел де бәсең, боран баяу,
Қарашы, әне, ағарды таң!..
- Аман ба екен бейбақ атаң?
Құлыншағым, қорғаным - сен!
- Міне, атты таң! Аман атам!
Қапа болма, қорғаның - мен!..

Оқи отырыңыз

Ақ боран

Алдымнан шықшы, ақ боран, Шабытың болар сақтаған. Менің де жаным мазасыз, Бұрқанбай тыныш таппаған, Алдымнан шықшы, ақ боран!

Қыс

Жалп - жалп, жалп-жалп жауды қар. Тон киіндік, тоңды мал. Бұрқ - бұрқ, бұрқ-бұрқ боран бар, Боран жоқта тұман бар.

Боран

Тал - шыбықтар шайқалып, Тентек боран ұлиды. Ысқырады айналып Айналада бір үйді.

Күйзелу

Көңіл - күйде тыншу жоқ: әлденені аңсай ма, жабыға ма, өрт кешкендей тынысым тарыла ма, әлде дауыл тілеген теңіз сынды бір бұрқаныс сәттерді сағына

Қысқы жолда

Қараңғы түн, сары дала, Көрінбейді айнала. Боран соғып тұр борап, Жолды басқан құр сорап.

Жан жарымды бір сүйейін түсімде

Тұтқын болып, тысқа шығып жүре алмай, Зарықтым ғой, жан жарымды көре алмай, Осы күнде алтын сәулем нағып жүр, Қандай күйде, қайда екенін біле алмай.