08.05.2016 3 051 0 Дауыл

Жетісу

Өлеңдер

Мұқағали Мақатаев

Отанымның орнығып кең төріне,
Айналасын ақ таулар көмкеруде.
Жаралғандай Жетісу ертегіден,
Еркелейді Жетісу ерке күнге
Еркелейді,
Еркелейді,
Еркелейді Жетісу ерке күнге.
Аясында Алматым тыныстаған,
Алатауым апайтөс ырыс маған.
Болашаққа қазақтың көшін бастап,
Жетісуым барады ту ұстаған.
Жетісуым,
Жетісуым,
Жетісуым барады ту ұстаған.
Ұясынан ұшырған балапаны,
Даңқын елге Жетісу таратады.
Болашағы баламның Жетісуым,
Әлпештеген анамның алақаны.
Әлпештеген, Әлпештеген,
Әлпештеген анамның алақаны.
Кұншығыстан алаулап таң атарда,
Қасиеттеп қараймын жан - Отанға,
Сәлем берем бас иіп Жетісуға,
Сәлем берем бас иіп Алатауға.
Сәлем берем,
Сәлем берем,
Сәлем берем бас иіп, Алатауға.

Мұқағали Мақатевтың өлеңдері 1
Мұқағали Мақатевтың өлеңдері 2

Оқи отырыңыз

Арнау - Сүйе берем

Арнау тобы - Сүйе берем

Апама

Әлпештеген, аялаған, Ардағым деп, апатайым. Сәлем жазып бүгін саған, Қуанышыңды құттықтаймын.

Сәлем саған, мектебім!

Сәлем саған, мектебім, Алтын ұям, армысың. Көңілімде көп менің, Саған айтар алғысым.

Қартайдық, қайғы ойладық, ұлғайды арман

Қартайдық, қайғы ойладық, ұлғайды арман, Шошимын кейінгі жас балалардан. Терін сатпай, телміріп көзін сатып, Теп-тегіс жұрттың бәрі болды аларман.

Үш бақытым

Ең бірінші бақытым - Халқым менің, Соған берем ойымның алтын кенін. Ол бар болса, мен бармын, қор болмаймын Қымбатырақ алтыннан нарқым менің.

Сәлемдеме

Менен сәлем айтқайсың сұрағанға, Сұрағайсың, үй - іші дін аман ба. Өмір кешіп жатыр де ол да өзінше, Тірлік керек, әрине, тірі адамға.