Айқын Төлепберген - Күндер өтуде

Жасы алпысқа жетпей - ақ, Қара басып, қағындым. Екі аяқтан айырылып, Төсегіме таңылдым.

Селдетіп өткен тасқындай Серпіліп біраз асасың, Сергітіп кеткен мас қылмай, Сейілді күндер жасасын!

Өледі кімдер, туады кімдер, Батады күндер, шығады күндер. Семеді гүлдер, өседі гүлдер, Келеді күндер, көшеді күндер.

... Сонымен күндер өтті, Күндер өтті... Кімдер кеп, кімдер өтті?! Жонынан майы тамған жомарт - өлім!

Сал - сал да күндер, сал күндер, Балалық атты бал күндер, Барайын баяғы ауылға, Жоқ кімдер, я бар кімдер.

Санаулы менің сағатым, Санаулы менің күн, айым. Асығам қалмай тағатым, Асықпай қайтіп шыдайын.