Қазақтың тыйым сөздері

Қазақтың тыйым сөздері
Экология
Көк жемісті жұлма.
Айға қарап дәреттенбе.
Жалғыз ағашты кеспе.
Жұлдызды санама.
Айды қолыңмен көрсетпе.

Шаруашылық
Мал қораға дәрет сындырма.
Малға зәбір жасама.
Малды аттама.
Жылқыға теріс мінбе.
Малды теппе.
Қамшыны аттама.
Малдың, қойдың арасынан бойлап өтпейді

Танымдық
Шәкірттеріңді өз балаларыңдай сүй.
Қызғаншақ болма.
Еріншек, жеңілтек болма.
Дұшпанға сенбе.
Жақын адамыңды өкпелетпе.
Уақытыңның көбін оқуға, ойыңды көбін тоқуға жұмса.

Этикалық
Көп сөйлеме.
Ата - анаңа қарсы келме.
Орынсыз күлме.
Жұрт көзінше кекірме, қасынба.
Жаман әдетті үйренбе.

Адамгершілік
Кісі мініне, кемтарға күлме.
Жақын адамға пышақ, тұз сыйлама.
Әйеліңе күш көрсетпе.
Маңдайыңды, басыңды ұрма.
Бей уақытта кісіге көңіл айтпа.

Ар - намыс
Ұятсыздан аулақ жүр.
Шақырмаған жерге барма.
Рұқсатсыз үйге кірме.
Дініңді, ұлтыңды, арыңды сатпа.
Бей уақыт ұйықтама.
Досыңды сатпа.

Тазалық
Нас, лас болма.
Итке ожаумен ас құйма.
Ақты төкпе.
Бетіңді сызба.
Саусағынды аузыңа салма.
Тырнағыңды тістеме.
Сол қолмен тамақ ішпе.

Тұрмыстық
Сыпырғыны тік қойма.
Пышақ жүзін жалама.
Түнде қоқыс шығарма.
Үйді сыпырма.
Босағаны керме, құшақтама.
Бос бесікті тербетпе.

Павлодар қаласының
«Дарынды балаларға арналған №8 лицей - мектебі» ММ
Абаильденова Нұргүл Қуандыққызы