ойын сауық отауы
Ана жыл әскер шығып, оңнан - солдан
03.03.2016 1 129 0 Дауыл

Ана жыл әскер шығып, оңнан - солдан

Өлеңдер
Шәкәрім Құдайбердіұлы өлеңі

Ана жыл әскер шығып, оңнан - солдан...

Ана жыл әскер шығып, оңнан - солдан
Соғысып жердің жүзі қанға толған.
Сол кезде Америка деген елде
Уолдер Белдет дейтұғын бір бай болған.

Оққа ұшқан, жараланған сансыз әскер,
Соғысқа Америка тіпті алыс жер.
Жараланған әскерге жәрдем қыл деп,
Уолдер Белдет жіберген талай дәрігер.

«Ешкімді алаламай қара» деген,
«Бәрін де өз бауырым деп сана» деген.
Дәрі, азық, күтушіні түгел беріп,
«Ешбір нәрсе қалмасын шала» деген.

Неше жүз автомобиль, арбаменен
Жіберсе де көңілі бір сенбеген.
«Салақ қарап жүре ме, әлде қайтер,
Жарайды - ау өз көзіммен көрсем» деген.

Сол оймен жүріп кетті кеме мініп,
Қайтпақшы емдегенін көріп, біліп.
Көз жеткісіз теңіздің ортасында,
Бір қазаға кез болды, кеме сынып.

Кеме суға кетерін пайымдаған,
Кемеші желқайықты дайындаған.
Уолдер Белдет қайыққа өзі мінбей,
Жас бала, кемпір - шалды уайымдаған.

Сондайларды құтқарып жел қайықпен,
Сол құтылса, өлейін мен - ақ деген.
Сыймай қалған бір әйел бебеу қағып,
Әрі - бері жүгірді «қайтем,– деп,– мен».

Кеменің суға батар кезі жетті,
Әлгі әйелге жаны ашып рахым етті.
Суға батпас белбеуін соған беріп,
Уолдер Белдет ерлікпен суға кетті.

Отаршы елдер ағызар әскер қанын,
Алмақ болып аз елдің жер мен малын.
Жаны ашымай жастарды оққа байлап,
Аяу қайда жас бала, кемпір - шалын.

Мұны ойласам жүрегім болар жалын,
Өнерлі ел өнерсізді құл қылғанын.
Көктен түскен періште деп білемін,
Ойласам Уолдер Белдет ердің халін.
Қызыл әскер маршы - Иса Байзақов Қызыл әскер маршы - Иса Байзақов
Біз арыстан - еңбекшілер қыраны, Біздің ұран - лениншілдер ұраны, Қаны қара жауыздарды қүртамыз, Қызыл әскер - езілгендер қорғаны.
Сабырлық Сабырлық
Бір патша шеттен әкеле жатқан бір құлымен кемеге келіп отырды. Құл бұрын теңіз көрмеген, кеме азабын шекпеген еді. Сабыр ете білмеді. Қатты жылап,
Өмірді болжау мүмкін емес Өмірді болжау мүмкін емес
Баяғыда бір кеме апатқа ұшырап, жалғыз қалған адамды толқын елсіз бір аралға әкеп тастапты. Кемедегі барлық адам суға кетіп бір ғана адам тірі
Соғыс Соғыс
Әскер жиып аттандық, Бекетай еді тұрағым. Айғайлап жауға тигенде «Ағатай беріш!» ұраным.
Бір ханда екі ұл бопты бір туысқан Бір ханда екі ұл бопты бір туысқан
Бір ханда екі ұл бопты бір туысқан, Күндесіп, араздасып, бұзылысқан. Билеген елін екі бөліп алып, Соғыс ашып, болыпты қатты дұспан.
Ажалсыз әскер Ажалсыз әскер
Патшалар сансыз шығын қылады, Дайындап соғыс үшін ғаскерін. Аямай бірін - бірі қырады, Ел алар оққа байлап жастарын.
Кета балықтың ерлігі Кета балықтың ерлігі
Өріс ашқан сан кеме, сан қайыққа Біздің сонау айтолқын Ақжайықта Кета деген балық бар. Уылдырық шашар кезде сол балық.
Бақыт геометриясы Бақыт геометриясы
"БАҚЫТ деген немене бұл, немене екен, немене, Мен шықпаған заңғар шың ба, мен мінбеген кеме ме?" Бәлкім Бақыт байлық па екен сараңдықтан бас алған,
Ғаббас...... Ғұмар, Латиф...... Лұқпан Ғаббас...... Ғұмар, Латиф...... Лұқпан
Ғаббас...... Ғұмар ҒАББАС - (қараңыз: Аббас). ҒАБДІҒАЗИЗ – араб тілінен - қадірлі, құрметті.

Пікірлер (0)
Пікір білдіру
Пікір білдіру
код көрінбесе қайта басыңыз