Сазайын тартты

Ескен Елубаевтың өлеңі

- Бәрі қорқып, ықсын,- деп,
Сүзеген боп шықсын,- деп,-
Шыққан жанды үйіне
Қайта қуып тықсын,- деп,-

Қызыл қасқа торпағын
Жалықпастан үйретті.
Тыныш жатса ол тағы:
- Сүзісем,- деп сүйретті.

Бермеді ғой тыныштық,
Серік әбден басынды.
Жатпаған соң күйіс қып,
Торпақ қатты ашынды.

Серік тұрды сөзінде:
Сүзеген қып шығарды
Қазір оның өзін де
Үйге қуып тығады.

Сыртта жүрсе торпағы,
Шыға алмады үйінен.
Сүзе ме деп қорқады,
Тығылып ап күнімен.

Маңғыстау облысы, Бейнеу ауданы,
Боранқұл орта мектебі
Маханұлы Қуаныш
Мұғалімі: Мендигазиева Гүлжихан

Ескен Елубаевтың басқа өлеңдері