04.09.2018 1 507 0 Дауыл

Жайық. Қасым Аманжоловтың өлеңі

Өлеңдер

Қасым Аманжолов өлеңі
ЖАЙЫҚ
Жарқын жүзбен жайраңдап
Жатырсың ағып, Жайығым.
Жағаңда ойнап, сайрандап
Ескенмін заман қайығын.
Сырғып аққан сынаптай
Сабырлы өзен, салқын су.
Толықыныңды құшақтай
Келіп қонды бір аққу.
Қанаттанып жағаңда
Еді - ау бір кез ол ұшқан.
Сол бір аққу мен едім,
Келіп тұрмын алыстан.
Есіңде ме, Жайығым,
Қалмадың ба жатырқап?
Жамылып кеш сағымын,
Келмеуші ме ем ән шырқап...
Ойын, күлкі әзілмен
Бойыңда өткен талай күн...
Жайық, саған қазір де
Риза бола қараймын.
Қасым Аманжоловтың өлеңдерін қарау

Оқи отырыңыз

Балалық шақ туралы. Қасым Аманжоловтың өлеңі

Түседі еске жалаңаяқ күндерім, Ақсүйекті ала қашқан түндерім, Сол қашқаннан мол қашыпты балалық, Қайда екенін көптен бері - ақ білмедім.

Нұрлы дүние. Қасым Аманжолов өлеңі

Нұрлы дүние, шіркін дәурен, Ойлаймын ғой сені ылғи. Көкейімнен кетпей сәулең, Көкірегімде толқиды күй.

Балдақты жігіт

Балдағы бар бір жігітті көрдім де, Қасақана сауал бердім келдім де: «Ғафу, жолдас! Көрінбейд бір аяғың, Кешегі өткен сұрапылда бердің бе?»

Жаз дидарлы жас ана. Қасым Аманжолов өлеңі

Жаз дидарлы жас ана, Жаныңды тос әр күйге. Жасара түс, жасара, Бөбегіңді әлдиле.

Су жағасында. Қасым Аманжолов өлеңі

Сарғая күтіп көктемді Сап - сары боп су ақты... Шынтаққа алып сексенді, Жағада жалғыз шал жатты.

Түн ортасы ауғанда. Қасым Аманжолов өлеңі

Түн ортасы ауғанда Отырсың, жігіт, нені ойлап? Кімнің атын жазасың Қайта - қайта шимайлап. Махаббаттың бұлбұлы, Жүр ғой сенен алыстап.