ойын сауық отауы
Бетховен
07.05.2016 1 388 0 Дауыл

Бетховен

Өлеңдер
Мұқағали Мақатаев

Сәнімен емес,
Әнімен оған қымбатты,
Қырық мың ғалам,
Қырық мың түрлі үн қатты.
Көзімен көрмей, әлемнің мына бояуын,
Көңілімен ғана керемет сазын тыңдапты.
Жетімек бұлттар жер ауып, қайда көшеді,
Өшеді қашан бүгінгі және кешегі?
Дауылдың соғар,
Жауынның жауар шақтарын,
Бетховен ғана дыбыстан сезген деседі.
Сыйқырлы үнмен сыбырлап оған тұр ғалам,
Ғалам да оны,
Ғаламды ол да тыңдаған.
Сынымен емес, сырымен Айдың сәулесі,
Сорғалап соның саусақтарымен жырлаған.
Қия алмай оны,
Қиылып айлы түн кетті.
Жалауын алып, жеңімпаз жаңа күн жетті.
Жым - жылас, жым - жырт, таскерең етіп тәңірі
Табиғат та оны күндеген екен, білмепті.
Сыңғырлап үні,
Күмбірлеп күйі бұрқанбай,
Дүние тынды...
Тілі кесілген мылқаудай.
Айлы кештердеи сорғалап сазды күн тамбай,
Құлазып қалды қу тірлік өлі вулкандай
He дерсің мына таскерең мылқау шақтарға!
Дыбыссыз бәрі - орман да, тау да, бақтар да.
Тек қана аспан азан caп оған естіртті,
Керең тірлікті қалдырып бара жатқанда.
Күркіреп аспан,
Ойнатты - ау дейсің жасынды,
Сайратты - ау дейсің мелшиген тау мен тасыңды.
Мылқаудың үні, кереңнің құлағы ашылды,
Кешірім сұрап,
Бәрі де оған бас ұрды.

Мұқағали Мақатевтың өлеңдері 1
Мұқағали Мақатевтың өлеңдері 2
Көшеді бұлттар... Көшеді бұлттар...
Көшеді бұлттар, көшеді бұлттар, көшеді, Қоштасар қимай көк аспан - өлең - төсегі. Көшеді бұлттар көкжиектерді бетке алып, Көшеді бұлттар, көшпелі
Сен мені шынымен осы сағынбайсың ба Сен мені шынымен осы сағынбайсың ба
Сен мені шынымен осы сағынбайсың ба, оған да от болып беріліп жалындайсың ба? Оны да мендей елжіреп, аймалайсың ба, оны да іздеп, төзе алмай,
Үнсіздік Үнсіздік
Бәрі де үнсіз. Үнсіз аспан, үнсіз жер, Үнсіз орман, үнсіз таулар, үнсіз көл. Мен де үнсізбін, дәрменім жоқ күрсінер.
Ол шақты қайтем Ол шақты қайтем
Көлшікте, біздің іргеде, Бақаның хоры басталған. Күнде де, айлы түнде де, Сорғалап нұр тұр аспаннан.
Бәріне жауаптымын Бәріне жауаптымын
Бәріне жауаптымын. Қашан менен қалғалы тағат, тыным, Пісіп тұрған егінді бұршақ ұрса, Айтыңдар жауапты кім? Әрине, мен. Мен оған жауаптымын.
Ұйықтасын тыныш сәбилер Ұйықтасын тыныш сәбилер
Ұйқыда ғалам... Ұйқыда далам, Отырмын сені әлдилеп. Кішкентай адам, ең қымбат маған - Ұйықтасын тыныш сәбилер! Айымсың әппақ, өзің - күн, жұлдыз, Тәп

Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×