Бәйге бөлімі


Тәуелсіздік тұғырым

Тәуелсіздік тұғырым (4 оқушы)

16 желтоқсан Тәуелсіздік күніне арналған «Біз тәуелсіз елдің ұрпағымыз» атты үздік сабақтар бәйгесіне

Сабақтың мақсаты:
а) Түзете дамыту: Оқушыларға «Қазақстан» биіне қол, аяқ қимыл - қозғалыстар жасатып, ырғақтық сезімдерін дамыту.

ә) Тәрбиелік: Еліміздің Тәуелсіздігі үшін күрескен және сол мақсаттарға жету барысында өздерінің елі, халқы үшін, жері үшін құрбан болған батырлардың ерлігі, оқушыларды елін, туған жерін халқын сүюге, патриоттыққа, еліміздің Рәміздерін қастерлеуге тәрбиелеу.

Сабақ түрі: Топтық
Сабақтың көрнекілігі: Отан туралы нақыл сөздер, суреттер, интерактивті тақта, жалаушалар, шарлар, сыйлықтар.
Музыкалық құралдар: Сырнай, домбыра, дауылпаз, ксилофон, сылдырмақтар.

Сабақ барысы:

I Ұйымдастыру бөлімі:
- Амандасу рәсімі.
- Шаттық шеңбері (аяқ пенен топ – топ әнімен)
- Өткен сабақты қайталап еске түсіру.
- Жаңа сабақ тақырыбына сай, мағлұматтар беріп, сұрақ қойып кеңінен таныстыру.

II Негізгі бөлім:

1) Оқушыларға тақырып туралы тереңірек түсіндіру.
Сіздерді ең әуелі келе жатқан 16 желтоқсан - Қазақстан Республикасының Тәуелсіздігі күні мерекесімен шын жүректен құттықтаймын! Халқымызға ғасырлар бойғы арман болған тәуелсіздік, егемендік ұстанымдарын биікке көтеретін бұл күн - біздің Отанымыздың әрбір азаматы үшін қастерлі мереке. Азаттық аңсаған елдің түпкі мақсатының орындалып, бүгінгі Қазақстан Республикасы өз мемлекеттілігін бұдан 25 жыл бұрын жариялаған болатын. Бұл мереке күнтізбеде «Қазақстан Республикасының мемлекеттік тәуелсіздігі туралы» Конституциялық Заңының 1991 жылы 16 желтоқсанда қабылдануына байланысты тұрақты түрде аталып өтілуде.

а) ҚР Тәуелсіздік күніне байланысты слайд көрсету және Қазақстанның өткені мен қазіргісін және болашағын оқушыларға түсіндіріп саналарына сіңіру.
ә) «Егемендік мәңгілік» әнін жаттату.

«Егемендік мәңгілік»

Әні мен сөзі: Ж. Н Хасановтікі.
1. Желтоқсанның сол бір ызғары,
Жастарымның ойын қозғады.
Бізге елдің көсемі керек,
Деді ұлмен қазақ қыздары,
Деді ұлмен қазақ қыздары.
Қ - сы
Төбемізде құстар сайрасын,
Бағымызда гүлдер жайнасын.
Егеменді туым желбіреп,
Мәңгі болашақ таңы атсын.
Егеменді туым желбіреп,
Мәңгі болашақ таңы атсын.

2. Жарқылдаған арман ойлары,
Сол кездері көпке бармады.
Аждаһаға қарсы көтерген,
Ұрандары қанға боялды,
Ұрандары қанға боялды.
Қ - сы
Біздер үшін қиған жандарын,
Қайрат, Ләззат, Ербол балдарың.
Ұмытпайды мәңгі сіздерді,
Егеменді мәңгі Алаш қазағым.
2. Ырғақты - қозғалыс жаттығулар:
«Қазақстан» биін үйрету
1. Бастапқы қалып: Балалар қаз - қатар қолдарына жалауша алып бірінің артына бірі тұрады. Кейін барлығы бір - бірінің жанына барып тұрады.
2. Барлығы әуелі оң аяқпен бір қадам алға кейін қалыпты орынға кері тұрады, кейін дәл солай сол аяқтарымен істейді.
3. Сол қолдарын жалауша ұстаған бағытта жоғары - төмен қозғайды.
4. Барлығы бір нүктеге жиналып кейін қайта бастапқы қалыпқа барады жаттығу осылай бірнеше рет қайталанады.

3. Сергіту сәті.
«Аю әні» атты видео ролик арқылы сергіту сәтін жасату.

4. Дидактикалық ойын
«Тауып көр» ойыны
Ойынның мақсаты: Балаларды қырағылыққа, пішіндерді үйренуге, түстерді ажыратуға, сандар үйренуге, шапшаңдыққа өз беттерімен ізденуге талпындырып, ойлау қабілетін жақсартады.

Ойынның шарты: Мұғалім жұмбақтар жасырады. Балалар сол табылған жұмбақ жауаптарының бірінші әріптерін тақтаға рет ретімен жапсырулары керек. Нәтижесінде ҚАЗАҚСТАН деген сөз шығады.

Жұмбақтар
1. Әжем қолмен сығып,
Далада кептірген.
Қатты әрі тәтті,
Кім бар оны жеп көрген? (Құрт)

2. Қалпағы ақ қарасаң,
Дәрігер емес бірақ ол.
Дәмді тамақ қаласаң,
Саған ұсынып тұрады ол. (Аспазшы)

3. Түрі жылқы бейнесі,
Жолақ - жолақ жейдесі. (Зебра)

4. Әдемі түнде, ұқсайды күнге,
Ал мен жүрсем, жүреді бірге. (Ай)

5. Алыстан қарасаң аппақ,
Дәмін татсаң тәтті ақ. (Қант)

6. Уақытты өлшеп санап,
Таппайды бір тағат.
Айтыңдаршы балалар,
Бұл не сонда? (Сағат)

7. Аяғы бар басы бар,
Үстінде және тасы бар (Тасбақа)

8. Терезеге қарасам,
Әдемі өрнек салыпты.
Қысты күні әп сәтте,
Тоңдырады халықты (Аяз)

9. Асты тас, үсті тас,
Ортасында піскен ас (Нан)

5. Музыка - терапиясы кезінде қолдануға болатын жаттығулар:

Фонематикалық есту қабілеттерін дамыту жаттығулары:
Мақсаты: Айналадағы заттарды бір - бірінен ажыратуға үйрету.
Құрал: Ағаштан жасалған бұйымдар, металдан жасалған ашқыштар, қоңырау т. б.
2 - нұсқасы ретінде музыкалық аспаптарды пайдалануға болады.

6. Жалпы тіл кемістігіне арналған жаттығулар:
ІІ, ІІІ - Деңгей. Әндерді әуендетіп екпінмен жоғарғы және төменгі дауыспен айттыру.

III Қорытынды бөлім:

- Балалар 16 желтоқсанда қандай мейрамды атап өтеміз?
- Балалар сіздер өзіміздің рәміздерімізді білесіздер ме?
- Ән мен би сіздерге ұнады ма?
- Әнде не туралы айтылған балалар?
- Балалар енді бір - бірімізге осы сабақта жеткен жетістіктерімізді айтайықшы.

IV Үйге тапсырма:
«Егемендік мәңгілік» әнінің сөзін, әнін жаттап оны қол қимылдарымен көрсету, «Қазақстан» биінің элементтерін қайталап келу.
Соңы: Оқушыларды мадақтап бағалау және түрлі сыйлықтар беріп ынталандыру.

Батыс Қазақстан облысы әкімдігі
білім басқармасы Казталов ауданының
Психологиялық - педагогикалық
түзеу кабинетінің саз - ырғақ мұғалімі
Хасанов Жеңіс Ниетқалиұлы

Назар аударыңыз! Жасырын мәтінді көру үшін сізге сайтқа тіркелу қажет.
Материал рейтингісі:
барлық дауыс бергендер: 8
Басқа жаңалықтарды оқу:
Пікірлер #1: 16 қаңтар 2017 21:29
Сәттілік әріптесім
Пікір білдіру
* = міндетті түрде толтырылуы тиіс
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Қауіпсіздік коды :

код көрінбесе қайта басыңыз

Үздік мақалалар
Білімділер жаңалықтары
  • Жаныңда жүр жақсы адам

    Құндылық: Сүйіспеншілік Қасиеттер: кешіре білу, адалдық, риясыз қызмет ету, жанашырлық
  • Денсаулық – өмір негізі

    Құндылық: денсаулық, адам, өмір Қасиеттер: қамқорлық, қадірлеу Сабақ мақсаты: оқушылардың «денсаулық» құндылығы туралы түсініктерін кеңейту.
  • Өмірің өз қолыңда

    Қасиеттері: адамгершілік, мейірімділік, кешірімділік, жауапкершілік, адалдық, әділдік. Сабақтың мақсаты: Оқушыларға қиянат жасамай өмір сүру адам өмірінің мәні екенін түсіну.
  • Жол ережесін білесің бе?

    Сабақтың мақсаты: Жалпы жол белгілерімен балаларды таныстыруды жалғастыру. Жол белгілерін айыра білу дағдыларын қалыптастыру. Жолда жүру тәртібін сақтауға үйрету.
  • Ана-өмірдің гүлі

    Наурыз мейрам жүректерге нұр сепкен Маңдайымнан сүйіп жатыр күн көктем Жарығыңмен, шуағыңмен күн - Ана, Алып келдің жер бетіне гүл көктем.
  • Ойыншықтар әлемі

    Мақсаты: Балалардың ойыншықтар туралы түсініктерін кеңейту. ойыншықтардың атын атау арқылы сипаттауға баулу, ойыншықтар туралы тақпақтар айтқызу арқылы сөздік қорын байыту.
  • Штангалы насосты қондырғының жұмыс принципі мен құрылысы

    Қазақстанның мұнай, газ саласындағы бәсекелестікке бейім, сапалы білімге ие мамандарды дайындау. Сапалы білім инновациялық даму негізі, жаңа технологияларды қолдана отырып, студенттердің оқу - ...
  • Кел, балалар, оқылық! Заттың қимылын білдіретін сөздер

    Оқушыларды заттың қимылын білдіретін сөздер туралы түсініктерін кеңейтуге мүмкіндік жасау, өлеңдерді мәнерлеп, түсініп оқуға дағдыландыру.
  • Денсаулық - зор байлық

    Жас ұрпаққа адам денсаулығының қымбаттылығын, өмір сүру үшін қажеттілігін, бағалы байлық кенін түсіндіру. Қимыл әрекетке жаттықтыру, еңбек етуге, елін, жерін қорғауға қажетті күш – қуатын молайту.
  • Скважина туралы түсінік

    Студенттерге скважинаның мұнай өнеркәсібінде алатын рөлін түсіндіру. Скважинаның конструкциясымен таныстыру, олардың қолданылуы жайлы мағлұмат беру.

Өз пікіріңді білдір
Қандай конкурстар ұйымдастырған дұрыс
Сайтта кім бар
Барлығы: 9
Қолданушылар: 0
Қонақтар: 9
Роботтар: 1
Соңғы пікірлер
Ілмек сөздер
Сайт статистикасы
Яндекс.Метрика