Бізбен байланыс
kum2017@yandex.ru
WhatsApp: +7 705 241 87 47

Тәуелсіздік - тұмарым, Мәңгілік ел - тұрағым

12 қаңтар 2017, Бейсенбі
Категориясы: Бала бақша
Тақырыбы: «Тәуелсіздік - тұмарым, Мәңгілік ел - тұрағым»
16 желтоқсан Тәуелсіздік күніне арналған «Біз тәуелсіз елдің ұрпағымыз» атты үздік сабақтар бәйгесіне

Мақсаты: Отан туралы алған білімдерін бекіту.
Білімділік мақсаты: мемлекеттік рәміздер туралы білімдерін бекіту: Тәуелсіздікке қол жеткізген Қазақстан туралы балаларға ұғындыру.
Дамытушылық мақсаты: шығармашылық қиялын дамыту.
Тәрбиелік мақсаты: көпұлтты отанға деген сүйіспеншілік, құрмет сезіміне тәрбиелеу. Балаларды елін, жерін сүюге, Отанын қастерлеуге, шыншылдыққа тәрбиелеу.
Технолоиялық қамтамасыз ету: Слайд шоу: «Қазақстан рәміздері», Бейне көрініс: «Көк тудың желбірегені», Астана қаласының көрікті жерлері, Караоке: «Біз бақытты балдырған» әні, нышандары, мақал - мәтелдер. Мульти - анимациялық сергіту сәті: «Жұмыр қылыш» әуені.
Жүру барысы:- Тәрбиеші көзіне "күлгін көзілдірікті" киіп, менің көзімдегі көзілдірік жай көзілдірік емес, бұл ғажайып көзілдірік, бұл көзілдірікті кигенде мен адамның жан дүниесіндегі ерекше адами құндылықтарды яғни сендердің бойларыңдағы жақса қасиеттерді көре аламын. Гүлнұрай сен ақылды қызсың, Данияр сен ақкөңіл баласың, Сабина сен еңбекқор қызсың, Мейрамбек сен тамаша баласың, Мейіргүл сен өте мейірімдісің, Айерке сен білімге құмар қызсың т. б. балаларға сипаттама береді.
Біздің еліміз сендердей тамаша жас ұрпақтары бар бақытты ел. Сендер бақытты елдің бақытты ұландарысыңдар. Ендеше караоке арқылы "Біз бақытты балдырған" әнін орындап жіберейікші.
Балалар біреу есік қағатын тәрізді тыңдайықшы. Ой балалар, бізге қонаққа шет елден Америкадан қонаққа Джон мырза келді. Ол сендердің әндеріңді естіп, сендермен танысып, біздің еліміз туралы тереңірек білгісі келеді екен. Ол сендерге бірнеше сұрақтар бергісі келеді. Сұрақтарына жауап береміз бе?
Шет елдік қонақ:- Балалар сендер тұратын мемлекет қалай аталады?
Балалар: Қазақстан.
- Қазақстан мемлекетінің елбасы кім?
Балалар: Нұрсұлтан Әбішұлы Назарбаев
- Елбасы қандай адам болуы керек?
Балалар: Білімді, ақылды, іскер, жан - жақты, өз Отанын шексіз сүйетін адам болуы керек.
- Қандай мемлекеттік рәміздерді білесіңдер?
Балалар: Ту, елтаңба, әнұран
- Қазақстанның бас қаласы қалай аталады?
Балалар: Астана
- Тамаша, сендер рәміздер туралы қандай өлең - тақпақ білесіңдер?

Гүлнүрай: Әйнегі - күн, шатыры - аспан
Кең дала, төсегі толқыған есік.
Көлдері көкке күмістер шашқан,
Қазақстан - Республикам менің.

Айерке: Әнұраным - жан ұраным,
Айтар әнім, сөйлер сөзім,
Туған жерім, сағынарым,
Мәңгі бақи шырқалады.
Республика ән ұраны.

Қазақстан республикасының Ән ұранын тыңдайды.
Шет елдік қонақ: Қандай тамаша өнерлі, білгір балалар.
Тәрбиеші: Джон мырза сіз біздің Қазақстан туралы тереңірек білгің келсе мына слайд шоуды тамашала.
Слайд шоу: "Қазақстан рәміздері"
Тәрбиеші: Нұрсұлтан Әбішұлы Назарбаев біздің көпұлтты тәуелсіз мемлекетіміздің тұңғыш президенті. Нұрсұлтан Әбішұлы Назарбаев кішкентайынан спортты, белсенді демалысты жақсы көрді, сол себепті республикадағы барлық тұрғындар спортпен айналысып, дені сау, бақытты, салауатты өмір сүргендерін армандайды. Біздің Елбасымыз кітап оқығанды өте жақсы көреді. Сондай - ақ ән айтқанды, домбыра шерткенді ұнатады, тіпті өлең жазып, ән шығарады.
- Балалар, егеменді еліміздің тәуелсіздік алғанына биыл 25 жыл болды.
Мұзға жанған желтоқсанның жалауы,
Құтты болсын Тәуелсіздік мейрамы.
Ол әркімге еркін өмір сыйлайды.
Жақсы атақпен нұр шапағын жинайды.
Бүгінде тәуелсіз еліміздің өркениетті 50 елдің қатарымен тереземізді теңестірсек деген алдына мақсат қойып отыр. Аспанымыз ашық, еліміз аман болса, бұл мақсатқа да жетеміз. Сол болашақтың тірегі мына алдымыздағы бүлдіршіндер - сендерсіңдер.
Есігі ашық төрі кең,
Жылап өттік жылдар өмір өрінен.
Жетер енді желпінейік, қарайық,
Мына өмірге үмітпен.
Бейне көрініс: «Көк тудың желбірегені»
Сергіту сәті: Ұлытау тобының «Жұмыр қылыш» мульти - анимациялық сергіту сәті музыкасына қимыл қозғалыс жасату.
Тәрбиеші шетелдік қонаққа қарап: Біздің балаларымыз Отан туралы көптеген мақал - мәтелдер біледі.

Мақал - мәтелдер:
Данияр: Ердің көркі елімен,
Отан көркі жерімен.
Сабина: Отан оттан да ыстық
Илияс: Отансыз адам, ормансыз бұлбұл.
Балалар: «Мен Отанымды сүйемін!» жылулық шеңберімен аяқтайды.
- Мен өз мемлекетімді мақтан тұтамын!
- Мен өз Отанымды шексіз сүйемін!
- Мен өз Отанымның бақытты ұланымын!
Оқу қызметінің соңында балалар «Көк ту және достар» мультфильмін тамашалайды.

Коммуналдық мемлекеттік қазыналық кәсіпорын
№ 8 «Ақбота» шипа - жай типті бөбекжай балабақшасы
Ересек топ тәрбиешісі
Уразалина Гулбану Насырқызы

Назар аударыңыз! Жасырын мәтінді көру үшін сізге сайтқа тіркелу қажет.
75 210
0
8 дауыс
Оқи отырыңыз
Үздік ашық сабақ, үздік ұстаз 2017
Үздік ашық сабақ, үздік ұстаз 2017
22 наурыз мерекесіне арнап «Әз – Наурызым, армысың» атты үздік сабақтар бәйгесі өткіземіз Жұмыстар 20 қазаннан бастап 25 наурызға дейін қабылданады. Жұмысқа қойылатын талаптар: Сабақ тек наурыз мерекесіне қатысты емес, кез келген тақырыпта ашық
Тәуелсіздік – елімнің ерлік жолы
Тәуелсіздік – елімнің ерлік жолы
Оқушыларды отансүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеуге, халқының тегін, тарихын білуге тәрбиелеу.
Көп таңбалы сандарды көбейту және бөлу тәсілдерін пысықтау
Көп таңбалы сандарды көбейту және бөлу тәсілдерін пысықтау
Көп таңбалы сандарды көбейту және бөлу тәсілдерін пысықтау. Өтілген материалдар бойынша оқушының білімдерін пысықтау, ой - өрісін кеңейту, өз бетінше жұмыс істеу қабілеттері мен логикалық ойлауын дамыту.
Сақтардың тәуелсіздік үшін күресі
Сақтардың тәуелсіздік үшін күресі
Сақтардың тәуелсіздік жолындағы күресі мен сақ қолбасшыларының ерлігі туралы білімдерін еске түсіріп, пысықтау.
Ж. Әбдірашев «Отан» Тасымал
Ж. Әбдірашев «Отан» Тасымал
Өлеңнің мазмұнымен таныстырып, «Отан» сөзінің мағынасын ашу. Тасымал туралы алған білімдерін толықтыру. Өлеңнің мазмұнын талдау арқылы оқушылардың ойлау, ойын тұжырымдау қабілетін, мәнерлеп оқу дағдысын арттыру.
Пікірлер (0)
Ақпарат
Қонақ,тобындағы қолданушылар пікірін білдіре алмайды.