Қозғалыс

7 - сынып (презентациясымен)
Тақырыбы: Қозғалыс
1 - сабақ. Лекция.
2 - сабақ. “ Жеке – топтық жұмыс формасы”

Ойынның шарты:
1, Әр оқушы өз деңгейіне қарай тапсырма алады.
І - деңгей тақырып бойынша алынған ақпаратты өз ойынша жеткізу.
ІІ - деңгей осы ақпаратты талдай білу.
ІІІ - деңгей шығармашылық сипаттағы тапсырмаларды орындау, яғни ақпаратты бағалап, өз пікірін дәлелдей білу.
2. ІІІ - деңгейді таңдап алған балалар бөлек отырады (10 минут).
3. І мен ІІ - деңгейді таңдап алған балалар бір - біріне сұрақ бойынша жауап береді.
4. І мен ІІ деңгей тапсырмасын орындаған оқушылар жауап үлгілерін пайдаланып жауаптарын салыстыру арқылы бір - біріне баға қояды.
5. ІІІ - деңгей тапсырмасын орындаған оқушының бағасын мұғалім өзі қояды.
Құрал жабдықтар:
1, Бағалау парағы
2, Үш күрделілік деңгейіндегі тапсырмалары бар парақ

3 - сабақ Деңгейлік тапсырмаларды орындау.
Шарты:
1. Жазба жұмысын орындағанда әрбір оқушы үш деңгейдің тапсырмалары жазылған парақ алады.
2. Дайын жауап арқылы оқушы өзінің тапсырмасын тексереді.
3. Өз жұмысын бағалағаннан кейін 2 - ші тапсырманы орындауға кіріседі,
4. Тағы да өзін - өзі бағалап, 3 - ші тапсырмасын орындайды.
5, Оқушы кез келген деңгей тапсырмаларын орындауға құқылы.
Бағалаудың критерийлері:
“5”- жұмыс қатесіз орындалған
“4”- жұмыста елеусіз қателер жіберілген (саны көрсетіледі -----)
“3”- жұмыста ------- қате жіберілген (қандай қателер жіберілгені сипатталады)
4 - 5 - сабақ Есептер шығару
Кітаптағы 7, 8, 9 - жаттығулар орындалады.
Қосымша;
1. Спидометр шкаласының бөлік құны қандай?
2. Төмендегі график Х(t) байланысын сипаттайды. Осы графикті U(t) байланысы түрінде салыңдар.
3. Екі дененің қозғалыс графиктері кескінделген. Қозғалыстың уақытқа тәуелділік Х(t) теңдеуін жазыңдар. Графиктердің координаттар осьтерімен қиылысу нүктелері нені білдіреді?

6 - сабақ. “Брейн - ринг” ойыны
Ойынның шарты:
1. Сыныпты топқа бөлу.
2. Әр топқа нөмір жазылған жетон тарату.
3. Сілтеме бойынша деңгейлік тапсырмаларға жауап алу.
4. Жауабы толық ойыншыға 1 фишка, толық болмаса толықтырған оқушыға жарты фишка беріледі.
Құрал - жабдықтар:
1. Нөмірлі жетондар.
2 Билеттер орналасқан шеңбер.
3. Фишкалар.

7 - сабақ. Тест тапсырмалары:
1. Механикалық қозғалыс деп нені атаймыз?
А) денелердің қозғалуы.
В) бір нүктеден екі автомобильдің қозғалуы.
С) түзу сызықпен қозғалатын дене.
Д) дененің жүріп өткен жолы.
Е) дененің басқа денемен салыстырғандағы жүріп өткен жолы.

2. Екі қаланың ара қашықтығы 3200 км. Жүрдек поезд бірқалыпта қозғала отырып осы ара қашықтықты 64 сағат жүрді. Поездың жылдамдығы қандай?
А) 5 км/сағ.
В) 200 м/сек.
С) 300 м/сек.
Д) 50 000 м/сағ
Е) 50 км/сағ.
3. Қайсысы физикалық құбылыстарға жатады?
А) ай
В) үстел.
С) пластмасса.
Е) су.
4. Табиғаттағы өзгерістерді... деп атайды.
А) физикалық құбылыстары.
В) электр құбылыстары.
С) табиғат құбылыстары.
Е) жарық құбылыстары.
5. Аспан денелерінің пайда болуын, дамуын зерттейтін ғылым... деп аталады.
А) космология
В) космогония
С) космонавтика
Е) астрофизика

8 - сабақ. Сабақтың тақырыбы:”Қозғалыс” тарауын қайталау
Мақсаты: Білімділік: Тарау бойынша негізгі ұғымдарды қайталап, тірек конспектісін қолданып, оқушылардың білімін қорытындылау.
Дамытушылық: Оқушылардың пәнге деген ынтасы мен практикалық шеберліктерін дамыту.
Тәрбиелік: Оқушыларды ұқыптылыққа, еңбекке, топтық жұмысқа тәрбиелеу.
Сабақтың түрі: Қорытындылау, білімді жинақтау.
Көрнекі құралдар: сызбалар, аспаптар, формулалар.
Сабақтың әдісі: сұрақ - жауап.

Сабақтың барысы:
І. Ұйымдастыру кезеңі.
ІІ. Негізгі бөлім.
1) Өткен материалды қайталау.
2) Топпен жұмыс.
3. Формула құрастыру.
4) Оқушылардың шығармашылық жұмысы.
5) Электрондық оқулықпен жұмыс.

ІІІ. Сабақты қорытындылау.
ІV. Үйге тапсырма.
V. Бағалау.

1 - тапсырма.
Әр топ тарау бойынша қайталауды құрылымды сызба бойынша орындайды.
1) Санақ денесі деген не?
2) Планеталардың қозғалысын қалай бақылауға болады?
3) Эклиптика деп нені айтады?
4) Қазіргі кездегі Күн жүйесінің құрылысы қандай?
5) Денеге ешнәрсе әрекет етпесе, ол қандай күйде болады?
6) Коперник аспан шырақтарының қозғалысын қалай түсіндіреді?
7) Жылдам келе жатқан көліктің алдымен кесе көлденең өту қауіпті болуы неліктен?
8) Биіктен секіріп түскенде адам неге тізесін сәл бүгіңкірейді?
9) Орын ауыстыру деп нені айтады?
10) Көлік оңға немесе солға бұрылғанда ондағы жолаушы қалай қарай бұрылады?
11) Бірқалыпты және бірқалыпты емес қозғалыс дегеніміз не?
12) Балғаны саптағанда қандай құбылыс пайдаланылады?

2 - тапсырма
1 - топқа
1 - деңгей. Реактивті ұшақ 20 сек.- та 8км. қашықтыққа ұшады, ал дыбыс 4 сек.- та 1320 м. қашықтыққа таралады. Осы екеуінің жылдамдығын салыстырыңдар. Қайсысының жылдамдығы үлкен? Қанша есе?
2 - деңгей. Аквариумнің қабырғаларын тазарту үшін оған салып қойған ұлулардың біреуі сейсенбі күні 16 сағ. 30 мин.- тан бастап, содан бейсенбінің 9 сағ. 00 мин.- на дейін қабырға бойымен 42 см, жүрген. Ұлу қандай орташа жылдамдықпен қозғалған?
3 - деңгей. 36 км/сағ. жылдамдықпен қозғалып бара жатқан поездың вагонына перпендикуляр бағытта оқ тиіп, вагонды тесіп өтті. Вагонның қарама - қарсы қабырғаларындағы саңылаулар бір - бірімен салыстырғанда 3см.- ге ығысқан. Вагонның ені 2, 7 м. болса, оқтың жылдамдығы қандай болған?
2 - топқа
1 - деңгей. Жаяу адам 20 сек.- та 30 м., келесі 40 сек.- та 58 м., сонан соң тағы да 30 сек.- та 45 м. жол жүрді. Адамның осы жолдағы орташа жылдамдығы қандай?
2 - деңгей. 32 км/сағ. жылдамдық графикте 12 см.- ге тең бағытталған кесіндімен(вектормен ) кескінделген. Сол масштабпен 5м/сек жылдамдықты кескіндеңдер.
3 - деңгей. Ертіс өзенімен жүк таситын теплоход ағыспен 600 км/тәулік жылдамдықпен, ал ағысқа қарсы 336 км/тәулік жылдамдықпен жүретін болса, өзен ағысының жылдамдығы қандай?

3 - тапсырма. Формула құрастыру.
Шарты: ортаға 2 топқа ортақ бірнеше физикалық шамалар тасталынады. Осы шамалардан қай топ көбірек формулалар құрастырады.
Жылдамдық
Уақыт:
Орташа жылдамдық
Уақыт (орташа жылд)
Жүрілген жол:
Орын ауыстыру:
Қозғалыс заңы:

4 - тапсырма. Шығармашылық жұмыс.
1 - топ тапсырмасы.
Глобусты пайдаланып таңертеңгілік,
күндізгі, кешкі, түнгі мезгілдердің қалай
ауысатынын көрсетіңдер.
2 - топ тапсырмасы:
Жұлдызды картадан 12 зодиак шоқжұлдызын
табыңдар.

5 - тапсырма. Электрондық оқулықпен жұмыс.
Электрондық оқулықта көрсетіліп тұрған құбылыстар арқылы төмендегі сұрақтарға жауап беру.
1 - топ. Лифтімен жүргенде, ол кенет көтерілген сәтте немесе ол кілт төмен түскенде жүрегіміз қобалжып, басымыз айналғандай болатыны неліктен?
2 - топ. Не себепті желдеткіш ток көзінен ажыратылған соң, біразға дейін айналып тұрады?
ІІІ. Сабақты қорытындылау.
Сәйкестік тест