Наурыз — ертеден келе жатқан мейрам

Үздік ашық сабақ бәйгесіне
Наурыз — ертеден келе жатқан мейрам
Қазақ тілі, 7 сынып
Сабақтың тақырыбы: Наурыз — ертеден келе жатқан мейрам
Сабақтың мақсаты: Әр халықтың наурыз мейрамын тойлау дәстүріне, тарихына, қазақтың салт - дәстүріне, әдет - ғұрпына тоқталу. Өз ойын еркін жеткізе білу, шығармашылық қабілетін арттыру, сөйлеу мәдениетін жетілдіру. Қазақ халқының әдет - ғұрпын, салт - дәстүрін сақтауға, қастерлеуге тәрбиелеу.
Сілтеу есімдігі бойынша білімдерін пысықтау. Оқушының тіл байлығын дамыту, тіл мәдениетін қалыптастыру: Ұлттар достастығын насихаттай отырып, ұйымшыл болуға тәрбиелеу.
Күтілетін нәтижелер: - Наурыз мерекесі туралы толық ақпарат алады.
- Мәтін талдауға, постер қорғауға, талдауға машықтанады.
- Жұптаса, топтаса жұмыс жасауға, бірін - бірі бағалауға үйренеді, тыңдауға үйренеді, өзін - өзі реттейді.
- Ұлттық қасиеттерді, адами құндылықтарды бойына дарытады.
Сабақ түрі: жаңа сабақ
Оқыту әдістері: Жұптық, топтық, жеке, ұжымдық, диалогтік оқыту, СТО,
АКТ, ой шақыру, оқыту үшін бағалау. т. б.
Сабақта қолданылатын материалдар: Бейнепроектр, флипчарт, маркер, суреттер, жұмыс дәптері, оқулық, интерактивті тақта.
Пәнаралық байланыс: Тарих, әдебиет, қазақ тілі, орыс тілі.

Сабақтың барысы: І. Ұйымдастыру кезеңі:
1. Оқушылармен сәлемдесу; «Шаттық шеңбері» құру, бір - біріне жақсы тілектер айтып, жақсы көңіл - күй тілеу.
2. Оқушыларды түсті кәмпиттер арқылы екі топқа бөлу:

1. Білу
Интерактивті тақтадан наурыз мейрамына қатысты видеоролик көрсетіледі.

2. Түсіну
Постермен жұмыс
1 топ: Наурыз мерекесі
2 топ: Жаңа жыл

3. Қолдану
1 - тапсырма. Сөздер мен сөз тіркестерін мағынасына қарай сәйкестендір, сөйлем құра.
1. Көктем 1. ұшып келді.
2. Күн 2. тазалады.
3. Қар 3. отырғызды.
4. Ағаштар бүршік 4. гүл ашты.
5. Қызғалдақ 5. ашты.
6. Жыл құстары 6. тазалады.
7. Адамдар ауланы 7. келді.
8. Ағаш 8. ұзарды.
9. Бұлақтардың көзін 9. еріді.
10. Арықтарды 10. жарды.
11. Күн 11. қысқарды.
12. Түн 12. Жылынды
2 - тапсырма.
Көп нүктенің орнына сілтеу есімдіктерін жаз.
… — наурыз мейрамы. … қазақ халқы ертеден тойлап келе жатыр. Халқымыз … ерекше
дайындалған.
Наурыз тойында ұлттық ойындар ойналады. … түрлері көп. … бірі – арқан тартыс. … — өте
қызық ойын.
Адамдар … күнді көңілді өткізеді. …бірін - бірі наурыз мерекесімен құттықтайды. … күнге
аман - есен жеткеніне рақмет айтады, алдағы күннен жақсылық күтеді.
Қажетті есімдіктер: олар, осы, бұл, оны, оған, соны, оның, ол

Сергіту сәті «Қара жорға» биін билеу

4. Талдау МӘТІНМЕН ЖҰМЫС
Наурыз — ертеден келе жатқан мейрам
Наурыз — парсы сөзі. Ол «нау» жаңа, «руз» күн, яғни, «жаңа күн» деген мағынаны білдіреді. Наурызда күн мен түн теңеледі, жаңа күн басталады.
22 Наурыз — бүкіл шығыс халықтарының мерекесі. Ол — ертеден келе жатқан мейрам. Оны қазақ
халқы ертеден тойлап келе жатыр.
Наурыз — ұлыстың ұлы күні. Қазақ халқында бұл мейрамды тойлаудың ертеден қалып тасқан
дәстүрлері бар. Бұл күні әр үй дастарқанына түрлі тағам қояды. Солардың ең бастысы — наурыз көже. Наурыз көжені жеті түрлі тағамнан пісіреді. Одан бүкіл ауыл адамдары дәм татады. Дастарқанға үлкен адамдар бата береді.
Қазақ халқы наурыз тойын көңілді өткізеді.
Өнерпаздар ән айтып, бишілер би билейді. Күйшілер күй тартады. Әртүрлі ұлттық ойындар
ойналады. Салт - дәстүрлер көрсетіледі.
Наурыз «Табиғат мейрамы» деп те аталған. Бұл мереке қазақ халқының өмірінде ерекше орын
алады. Адамдар ауласын тазалап, ағаш көшеттерін отырғызады. Бұлақтың көзін ашады.

5. Жинақтау
Мына кестеден «Наурыз көже» дайындау үшін керекті тағам түрлерін теріп жазыңдар.

Бағалау
Бағалау парағы арқылы бағалау

Үйге тапсырма
Наурыз тойы
Күн мен түн теңелді,
Жер шуаққа кенелді,
Соны тойлар ел енді.
Наурыз тойы – салтымыз.
«Көгерсін» – деп халқымыз,
Көшеге тал егеміз.
Жарқырап тұр күніміз
Жайқалсын жас гүліміз,
Бақта бұлбұл сайрасын.
Сәнді көктем нұрымен,
Наурыз тойы – жырымен,
Көңіл гүлдей жайнасын.
Әділбай Табылдиев

Рефлексия
Стикерлер арқылы кері байланыс орнату

Атырау қаласы,
Ф. Досымова атындағы №12 орта мектебі
Бисенова Динара Темірбекқызы