ойын сауық отауы
Бір жас бар – 10 жас деген ойнақтаған
03.12.2016 18 478 0 Дауыл

Бір жас бар – 10 жас деген ойнақтаған

Бата, тілектер
Бір жас бар – 10 жас деген ойнақтаған,
Тай мініп, жабағыны ойнақтатқан.
Келген соң одан әрі – 15 жас бар,
Жастық шақ еш нәрсені ойлатпаған.

20 - да өз жүзіңді түзейсің ғой,
Шашыңды кейін қарай күзейсің ғой,
Үлгісін ағалардың көргеннен соң,
Ой - ойлап әр нәрсені жүдейсің - ғой.

30 - да, 30 - да үй иесі боласың - ғой,
Балаңды әлди қағып аласың - ғой,
Келген соң одан әрі – 35 жас,
Жігіттік қыдырыстан қаласың - ғой.

Бір жас бар – 40 деген – қылыш екен,
Мойныңды бір жұмысқа бұрыс екен,
Келген соң одан әрі – 45 жас,
Борышты болмағаның дұрыс екен.

Елуде ебің келмес еңкейгенмен,
Қыздарға қолың жетпес көркейгенмен.
Келген соң – 55 жас, 60 жасқа,
Шал болып ойнайсың ғой кемпірлермен.

70 - те жер таянбай тұра алмайсың,
Қолыңа таяқ алмай жүре алмайсың.
Балаң мен кемпіріңе тілің өтпей,
Әңгіме көп ішінде құра алмайсың.

80 - де шал боларсың селкілдеген,
Жел соқса желмен бірге үлпілдеген,
Балаң мен келініңе тілің өтпей,
Ренжісіп отырғаның кемпірменен.

90 - да шал боларсың томыртқадай,
Тастаған шала мұжып омыртқадай,
Өмірден өтеріңе сенгің келмес,
Дұшпанға жазатайым бергің келмес.
Жеткенде жасың 100 - ге, жаның тәтті,
Қойнына қара жердің кіргің келмес.

Мен - өртпін. Танакөз Толқынқызының өлеңі. Мен - өртпін. Танакөз Толқынқызының өлеңі.
Мен – өртпін. Күресе алмайсың. Өртеуден жіп есе алмайсың. Мендегі тегеурін - алапат, Сен оған ілесе алмайсың.
Сіздің жасыңыз нешеде? Сіздің жасыңыз нешеде?
Адам өмірін 100 жас деп шамалап алғанда, онда 8 мүшел жас болады екен. Олар 13, 25, 37, 49, 61, 73, 85, 97 жас.
Ойнақтаған ойларым далада жүр. Бек Ноғайбайұлы. Ойнақтаған ойларым далада жүр. Бек Ноғайбайұлы.
Ойнақтаған ойларым далада жүр, Тәнтіреп тәнім қалды қалада құр, Балқантауда қалып еді Тұрсын жалғыз, Менде жалғыз қалармын қара да тұр.
Нұрпия ана. Қазақ тарихындағы әйелдер Нұрпия ана. Қазақ тарихындағы әйелдер
Кезінде Абылай хан екі сөзінің бірінде айтып отырады екен: - «Осы, Бес Мейрамның баласы» деген ел, пайғамбар мен шадияр тумады демесеңдер, адамның
Торғай Торғай
Торғай, торғай, тоңдың ба? Тұра алмайсың орныңда. Бір қонасың, бір ұшып, Дірілдейсің бүрісіп.
Ана тілің – арың бұл Ана тілің – арың бұл
Ана тілің біліп қой, Еркіндігің, теңдігің. Ана тілің біліп қой, Мақтанышың, елдігің.
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×