Әйелдің күйеуіне әсері

Әйелдің күйеуіне әсері
Көптеген келіншектер тұрмысқа шыққаннан кейін күйеуінің біраз уақыт ішінде танымастай өзгеріп кеткеніне айтып, наразылық танытып жатады. Олар күйеуі туралы: «тұрмыс құрмай тұрып, сыйлық жасаушы еді, кез келген шаруаға көмектесетін еді, қазір жалқаулығымен қоймай сараң әрі жағымсыз болып алған, тура орнына басқа адамды әкеп ауыстырып қойғандай»,- деп ренжиді. Бұл жерде бәрі әйелдің өзіне байланысты, дәлірек айтқанда жұбайына деген қарым-қатынасында екенін көпшілігі түсіне бермейді.

Әрбір шаруаға әйел көңілі толмай, үнемі күйеуіне наразылық таныта беретін болса, онда күйеуінің бір іспен шұғылдануға деген құлшынысын төмендетеді. Күйеуі жарының көңілінен шыға алмайтын болса, ол туралы әйелі ашық айтып отырса, кез келген еркектің жұмысқа зауқы соқпайтыны айтпаса да белгілі. Мынадай ереже бар: - егер әйел ер азаматқа сенбесе, онда жұмыстағы басшы да ер азаматқа сенім арта алмайды, сондықтан лайықты қызметтен де ажырап қалудың қаупі бар.

Кез келген еркекке жары толықтай сенім артса, еркектің «тауды қопарып» әкелуге де шамасы жетеді. Ер азаматқа жарының сенім артуы, қолдай білуі оң ықпал етеді. Үйде әйел белсенді болып, бар шаруаны өзі атқарып, тіпті кез келген істе күйеуінен асып түсуді көздейтін болса, ер азамат үйдің шаруасымен айналысуды мүлде доғарады. Мінез-құлқы да өзгереді.

Әйелі күйеуін махаббат пен сүйіспеншілікке бөлей алмаса, үнемі селқостық танытатын болса, ер азаматының әйелге деген қызығушылығы жойылады. Жұбайына жары қалай қараса, қоршаған ортасы да оған солай қарайды. Еркек әйелдің мақтауына әжептеуір марқайып қалады. Ер азаматыңыздың жақсы қасиеттерін жиі еске алып отырған сайын, олардың отбасына деген мейірімі қамқорлығы одан да арта түседі.
Кемшіліксіз адам жоқ, барлық адамның жақсы тұсы мен қоса жағымсыз жақтары бар, сондықтан жұбайыңының қай қырына ерекше назар аудару керектігін әр әйел білуі керек деп ойлаймын.

Мысалы, бір ер азамат екінші рет үйленгеніп бақыттын тауып жатады, керісінше бірінші әйелімен бақытты болып, екінші рет үйленгенде сәтсіз болып жататын жағдайлар да кездеседі. Мұның барлығына әйел себепші. Кейде жағдайын толық жасап алған, ер азамат үйленеді де жағдайы одан сайын жақсарады, бірақ соңында қолда барынан айырылып тақырға отырады. Мұнда да әсер ететін жары, әйел не күш беріп рухтандырады, не өз қолымен барынан айырады. Егер әйел үнемі күйеуін «бейшара» атандырып, өзіне лайықты еместігін айтып, оны басқа еркекпен салыстыратын болса, мұны «эмоционалды опасыздық» жасау деп түсінуге болады. Ал мұндай сөзден кейін, ер азамат «ұялмастан» ойнастық жасауы мүмкін.

Ер азаматтың көңіл-күйі әйелге байланысты екенін әр қыз-келіншек білуі керек. Егер әйел күйеуіне көңілі толмаса, онда қателікті өзінен іздегені жөн, себебі еркектің солай болуына әйел себепкер. Тағдырға шағымданып, жұбайыңа ренжігенше, өзіңнен сұраған жөн: күйеуіңіздің өзгеруіне қандай қасиеттер себеп болды? Мұнда жұбайыңды емес, өзіңді тәрбиелеу керек екеніне көңіл аудару қажет екенін түсінесің. Өзіңді тәрбиелей отырып, отбасылық кемені махаббат пен сыйластықтың желкенінде есесіз. Ер азаматтар қауымы қанша есейіп кеткенімен кейде кішкентай бала секілді еркелетуді қалайды, сондықтан махаббатыңыз бен мейіріміңізді аямаңыз.

Дайындаған: Асыл

Ойыңызбен бөлісіңіз, пікір қалдырыңыз!