ойын сауық отауы
Ауру жүрек ақырын соғады жай
02.04.2016 4 071 0 Дауыл

Ауру жүрек ақырын соғады жай

Өлеңдер
Абай Құнанбаев

Ауру жүрек ақырын соғады жай,
Шаршап қалған кеудемде тулай алмай.
Кейде ыстық қан басып кетеді оны,
Дөңбекшіген түндерде тыншыға алмай.

Қараңғы саңырау қайғы ойды жеңген,
Еркелік пен достықты ауру көрген.
Ақылы жоқ, ары жоқ шуылдақты
Күнде көріп, тұл бойы жиіркенген.

Тірілтіп өткен күнді, тағы шөлдеп,
Осы күнді күн демес қарғап, міндеп.
Кейде тілеп бақ пенен тағы тыныштық,
Кейде қайғы, азапты тағы да іздеп.

Кейде ойлайды жылауға қайғы зарын,
Тынышсыз күнде ойлаған дерттің бәрін.
Кейде онысын жасырар жұрттан ұрлап,
Кетірер деп мазақтап беттің арын.

Ауру жүрек ақырын соғады жай,
Өз дертін тығып ішке, білдіре алмай.
Кейде ыстық тағы да қан басады,
Кейде бір сәт тыншығар үн шығармай.
Абай Құнанбайұлының басқа өлеңдерін қарау
Өмір маған... Өмір маған...
Өмір маған кейде тау сияқты, Шыңына шыққым келеді.
Ақжайық Ақжайық
Ақжайық Қыстағы байсалдылық былай қалып, Жайықтың суы жатыр ылайланып. Бұлқынған сағынышпен жүректердей, соғады жарға толқын шыр айналып.
Онегиннің сипаты Онегиннің сипаты
Жасынан түсін билеп, сыр бермеген, Дәмеленсе, күндесе, білдірмеген. Нанасың не айтса да, амалың жоқ, Түсінде бір кәдік жоқ алдар деген.
Кейде есер көңіл құрғырың Кейде есер көңіл құрғырың
Кейде есер көңіл құрғырың, Махаббат іздеп талпынар. Ішем деп бейнет сусынын, Асау жүрек алқынар.
Ем таба алмай Ем таба алмай
Ем таба алмай, От жалындай, Толды қайғы кеудеге. Сырласа алмай, Сөз аша алмай Пендеге.
Достық һәм көз жасы Достық һәм көз жасы
Достықты мастық туғызад, Шын-шын достар - екі мас. Жүректі мастық өртейді, Төккізіп көзден ыстық, жас.

Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×