04.04.2016 4 337 0 Дауыл

Күлембайға

Өлеңдер

Абай Құнанбаев

Күлембайға
Уағалайкүмүссәләм,
Болыс, мал - жан аман ба?
Мынадайға кез болдың,
Аума - төкпе заманда.
Ел билеген адам жоқ,
Ата менен бабаңда.
Болыстықтан пайда қып,
Шығыныңды алсаң, жаман ба?
Қалжыңдаймын әншейін,
Оған келе де бермес шамаң да

Орныңнан тұра шабасың,
Атшабар келсе қышқырып.
Ояз келсе, қайтер ең,
Айдаһардай ысқырып?
Отырасың үйіңде
Өз өзіңнен күш кіріп.
Босқа - ақ түсіп қаларсың,
Біреу кетсе үшкіріп!..
Абай Құнанбайұлының басқа өлеңдерін қарау

Оқи отырыңыз

Ғашықтық, құмарлықпен – ол екі жол

Ғашықтық, құмарлықпен – ол екі жол, Құмарлық бір нәпсі үшін болады сол. Сенен артық жан жоқ деп ғашық болдым, Мен не болсам болайын, сен аман бол.

Бай сейілді

Бай сейілді, Бір пейілді Елде жақсы қалмады. Елдегі еркек, Босқа селтек Қағып, елін қармады.

Біреуден біреу артылса

Біреуден біреу артылса, Өнер өлшеніп тартылса, Оқыған, білген - білген - ақ, Надан - надан - ақ сан қылса.

Базарға, қарап тұрсам, әркім барар

Базарға, қарап тұрсам, әркім барар Іздегені не болса, сол табылар. Біреу атық алады, біреу маржан, Әркімге бірдей нәрсе бермес базар.

Сап-сап, көңілім, сап көңілім!

Сап-сап, көңілім, сап көңілім! Саяламай, сай таппай, Не күн туды басыңа Күні-түні жай таппай? Сен жайыңа жүргенмен, Қыз өле ме бай таппай?

Абай Құнанбаевтың өлеңі. Жүрегім, нені сезесің

Жүрегім, нені сезесің, Сенен басқа жан жоқ па? Дүниені, көңілім, кезесің, Тиянақ жоқ па, қой, тоқта!