Кешірші

Кешірші - Төлегенов Берік
Мазалайды ойлар өзіммен өзім қалғанда,
Істеген ісім бес күндік мына жалғанда.
Бұрынғы менің алаңсыз кезім қай жақта,
Ақ таңда тұрып қағатын қанат арманға.

Мазалайды ойлар ұйқыны мүлде ұмыттым,
Түсте көрмеймін аңсаумен сені қылықтым.
Күлуде жалған жылауда шіркін жат маған,
Кеудемде қайғы санамда тұрса тұнық мұң.

Күле алмаймын ішімнен жанып өртеніп,
Отырмын қазір өзімнен - өзім жиркеніп.
Қабақтан қайғы кететін шығар бір күні,
Сүйемін сені әлі де десең сен келіп.

Өзгеден іздеп отырғаным жоқ кінәні,
Білемін жаным бәріне өзім кіналі.
Көзімнің сөнсін аңсаумен сені шырағы,
Кінәмді бәлкім көзімнің жасы жуады.

Мен ғашық екем, шын ғашық екем кеш ұқтым,
Кешірші мені кешір деуге де кешіктім.
Жек көріп мені кетсең де жаным түсінем,
Сан түндер жылап сен маған білем өшіктің.

Қайтару үшін өткенді жүрмін тырмысып,
Қиялмен сонау қия қырларға бірге ұшып.
Шын ғашық жандар қосылмайды деу өтірік,
Шынында бірақ солай сияқты, бір қызық.

Авторы: Төлегенов Берік