Сүйдіремін, деп жүріп...

СҮЙДІРЕМІН, ДЕП ЖҮРІП...
Сүйдіремін, деп жүріп жалықтырып алыппын,
Сағындырам, деп жүріп, ұмытылып қалыппын.
Мың құбыла беретін машақаты мың дастан,
Махаббаттың бітпейтін күйбеңінен жалықтым.

Сезім отын маздатып, сүйетін де - мен едім,
Сүйіп тұрып отыңа күйетін де -- мен едім.
Сонда дағы,
Өзіңді бұл жалғанда, Керегім,
Жүрегімнің мәңгілік иесіне теңедім.

Аяған жоқ бұл тағдыр күресінде дүресін,
Бірде кіріп, бір шығар, білесің бе, бұл есім?!
Мені, бәлкім, ұмыттың,
Мен ұмытпан бірақта,

Қайда жүрсем, қалқатай, жиі есімде жүресің.
Қашан көркем күй кешем қалың ойдан арылып?!
Күндіз - түні көз ілмей сені іздедім сарылып.
Сұлумын,- деп жар салма,

Бұл Жалғанда
Біліп жүр,
Сұлулықтан бағалы құндылықтар бар ұлық.
Сен - айыпты,
Айнасы көңілімнің шықтанса,

Сыйлап жүрсің жәй күнде жүрегіме жүк қанша.
Мен де сені сүйдім ғой бір ғұмырға серт етіп,
Сен де сүйші,
Сүй мені,
Шыбын жаның шыққанша.

Санжар Ғұлама