Қара өлең көкжиегі: Дүние – бір қисық жол бұраңдаған

Қара өлең көкжиегі: Дүние – бір қисық жол бұраңдаған
51 >>>
Мына заман қай заман, соқта заман,
Мұнан басқа қызығың жоқ па заман,
Мұнан басқа қызығың жоқ болса егере,
Ойнап - күліп қалайық, тоқта заман.
52 >>>
Айналайын құдай - ау, несібе бер,
Ойнаған мен күлгенді кешіре гөр,
Ойнаған мен күлгенді кешірмесең,
Дозақ отын су құйып өшіре гөр.
53 >>>
Сауғанмен жалғыз сиыр іркіт болмас,
Өнерді бойға біткен іркіп болмас,
Мысалы, әр нәрсенің бәрі сондай,
Қарқылдап қара қарға бүркіт болмас.
54 >>>
Ит қызыл болғанменен түлкі болмас,
Ойнақтап жаман сиыр жылқы болмас,
Мысалы, әр нәрсенің бәрі сондай,
Ағашқа саясы жоқ бұлбұл қонбас.
55 >>>
Кісі емес кісі артынан жамандаған,
Дос емес дос көңілін таба алмаған,
Қолына кей жаманның тұлпар түссе,
Айызын бір қандырып шаба алмаған

баспаға әзірлеген
Бегімхан Ибрагим (КЕРІМХАНҰЛЫ)
Ақсу қаласының №2 ЖОББ мектептің қазақ тілі мен әдебиеті мұғалімі
Павлодар облысы
Қазақстан Журналистер Одағының мүшесі