ойын сауық отауы
Мен сорлы
02.05.2016 2 254 0 Дауыл

Мен сорлы

Өлеңдер
Мағжан Жұмабаев

Талайсыз, бақсыз мен сорлы,
Бір ісім оңға бармаған.
Мен не жаздым о ғұрлы,
Тәңірі мұнша қарғаған?
Талпындым, түстім ізіне,
Ондалмады бір ісім.
Қарамай құлың жүзіне,
Алла - ау, көрсеттің қысым.
Бел будым, түстім әр жолға,
Тілегім қайтсем табам деп.
Қарамадым оң - солға,
Тілегім үшін шабам деп.
He қылсам да түспеді
Уысыма қуғаным.
Жібермеді, күштеді
Жақын бауыр, туғаным.
Таласқа салды жиғанын,
Барын, арын аямай.
Оқуға бермей - тыйғанын,
Алды - артына қарамай.
Білім іздеп сусаған
Жылайды пендең алдыңда.
Мейірі кең Жасаған,
Құр алақан қалдым ба?..

Хан тәңірі Хан тәңірі
Хан тәңірі – қарт Тянь - Шаньнің жүрегі... Хан тәңірі – көк аспанның тірегі... Хан тәңірі – көп жасаған қария, – Хан тәңірі – жер жүзіне жария.
Қазақ азаматы Қазақ азаматы
Біреуіне - сен Тәңірім деп табынад, Біреуіне - мен құлың деп бағынад. Біреуіне - садақа бер деп жалынад, Біреуіне - құйрық болып тағылад.
Сорлы қазақ Сорлы қазақ
Сорлы қазақ жан алқымға тығылып, Қара күн кеп, тіккен туы жығылып, Алға баспай, біткен ісі кер кетіп, Нәр тата алмай, күшсіз, әлсіз бүгіліп;
Көбелек Көбелек
Отқа ұшар көбелек, Қарамай, сорлы, алды - артын. Ойына кіріп - шықпайды Күйдірер деп от - жалын.
Өткен – аяулы Өткен – аяулы
Cap дала бейне өлік сұлап жатқан, Көбіндей ақ селеулер бетін жапқан. Тау да жоқ, орман да жоқ, өзен де жоқ, Сәуле емес, қан шашып тұр күні батқан.
Жаралы жан Жаралы жан
Cap дала бейне өлік сұлап жатқан, Көбіндей ақ селеулер бетін жапқан. Тау да жоқ, орман да жоқ, өзен де жоқ, Сәуле емес, қан шашып тұр күні батқан.
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×